鮮芋仙 (創紀之城五期(apm))

營業中

休息中

今日同朋友睇戲前嚟買飲品解解渴，鮮芋仙就係附近夠晒方便。我就揀咗仙草凍奶綠，朋友就揀咗個檸檬冬瓜茶，價錢合理又好飲，而且我覺得比其他飲品店嘅飲品大杯。我個杯飲品，仙草量好多，同奶茶一齊飲，更加滑溜溜，而且有淡淡仙草味，好香，既有茶同奶香又有仙草味，唔太甜反而飲得更舒服。朋友個冬瓜檸檬茶酸酸甜甜，佢最鐘意冬瓜茶個種獨有嘅台灣味道，加上檸檬就更加清新。呢到有得堂食，下次夠時間可以嚟試下佢嘅甜品，夏天食冰底甜品岩晒！