鮮芋仙 (創紀之城五期(apm)) (已結業)

最討厭香港悶熱的夏天，就好像處身於一個蒸籠內，又焗又熱，很容易中暑。烈日當空當然要來一碗冰涼消暑的甜品降溫。剛巧來到鮮芋仙，點選了招牌涼粉沙冰。煙靭的芋圓、嫩滑的仙草、微甜的淡奶及入口即化的仙草沙冰，吃一口暑氣減退。…查看更多

1️⃣冰芋圓4號(芋頭、紅豆、珍珠)冰芋圓4號真係好正！芋頭綿綿，紅豆甜而不膩，珍珠QQ的口感，口感非常豐富，食落去超過癮，夏天飲埋一碗，真係消暑又開心！2️⃣芋薯圓Q麻糬牛奶冰冰涼滑順，牛奶味濃，佢係由頭到尾都係有牛奶同甜味，唔會食到一半得返啲冰味。配上Q彈的薯圓，口感好好。麻糬的香味混合著牛奶冰，食落去超級滿足。不過麻糬唔夠煙靭，如果夠煙靭嘅話會更加好味。平時自己一個嗌一款嘅話會覺得份量太大，因為佢每一碗都好足料，建議兩個人share一份，或者四個人share三份~…查看更多

這店的奶茶布丁很好吃, 吃起來香滑可口, 是很好的飯前或飯後甜品, 因為吃完不會覺得滯或膩, 還可以再食正餐也不為過。這款甜品貌似簡單, 要做得好一點也不容易, 它成功結合了奶茶的香味和布丁的細膩兼嫩滑口感，難怪幾乎人人都點它, 真是非常火紅兼受歡迎。還好我還成功點到, 沒有賣光, 絕對是必吃之選。喜歡它的甜度適中, 不過甜亦不過淡, 剛剛好, 要拿捏到如此精準一點也不簡單, 就是店家的功夫和功力, 我很享受在這店吃甜品的悠閒時光。…查看更多

今日超級熱 經過鮮芋仙就入咗去食叫咗個芋圓仙草冰 仙草好滑 芋圓都好煙韌 加埋花奶 係好食嘅不過可以再多啲芋圓 下面全部都係冰😂夏天食返碗都唔錯 可以消暑另外仲叫咗個珍珠奶茶 唔記得叫少甜甜到傻🥲 甜到飲剩半杯冇飲🥲…查看更多

台式甜品大搜查🔍又點可以無呢間鮮芋仙😈夜晚點左個冰芋圓4號😙就係想食佢既芋圓😍紅豆❤️同埋珍珠😘鮮芋仙既甜品🍧大大份😌一份都夠哂兩個人分😊啲冰夠哂凍🫨加上啲冬瓜茶甜湯就唔會話太甜😈芋圓係佢既招牌😗有嚼勁好味🤤其他配料既話就正常水準啦😝無話特別值得提及🙃個人認為😂如果鍾意食刨冰🍧但又追求平靚正😌咁台式刨冰一定岩哂你😋足料又大大份😘鮮芋仙一定係台式刨冰加連鎖店之選🙂…查看更多

第一次喺觀塘呢間鮮芋仙食糖水，點了兩碗熱既糖水，一個焦糖布丁拼小芋圓雪糕。所謂熱的糖水完全只是一點點暖，招牌芋圓糖水的芋圓是硬硬的。去了布丁比較好食，:(真的很難理解為什麼還要排隊。…查看更多

鮮芋仙係香港有多間分店，今日就同朋友食完晚飯去食返碗糖水，排左一陣隊，入到店內細細，但空間唔算太逼，坐低前就要落單先，糖水嚟到超大碗，我同朋友分別一人叫一樣，朋友叫左芋圓4號，我就叫左白玉湯圓紫米粥，兩碗我都試左個味道，非常清淡，所以兩款我都覺得一般，我見到隔籬枱叫左仙草系列，可能味道會好d，不過下次先試啦…查看更多

夏天熱辣辣，仙芋鮮真係坐無虛席。同朋友一齊叫左個仙草沙冰，額外多加一份仙草，淋埋杯鮮奶，成個口感都好滑，連埋芋圓一齊食真係無得彈，而且又唔會太甜，食完真係涼浸浸。…查看更多

食過無數次，堂食主要都係食豆花類，d丸子好Q彈，今日試沙冰，好多好好味。一直覺得他們服務好而且有品質保證，外賣又一d都不馬虎，希望會長做長有，又希望佢哋出更多新產品…查看更多

夏日炎炎 咁岩去完apm買野 熱得濟就去左鮮芋仙食芋薯圓Q麻糬牛奶冰食落去每一粒芋薯都經過精心製作 外皮Q彈又煙韌 內裡則充滿了濃郁的芋頭風味 讓人每咬一口都能感受到芋頭的細膩口感麻糬則為甜品增添了一層柔軟的口感 麻糬表面略微帶有一層細膩的粉末 內裡軟糯 與芋薯的Q彈形成絕妙的搭配這種麻糬與芋頭的融合 為整個甜品帶來了多重口感的享受 令人好似去左台灣咁比麻糬包圍住牛奶冰底部的牛奶冰沙 清爽而不膩 奶香濃郁 與芋薯圓和麻糬的豐富口感相得益彰 牛奶冰的細膩質地 讓每一口都充滿了冰涼的愉悅感 另外頂仲有雪糕 完全唔怕食完仲會熱份量方面 大份到兩個人都食唔晒 超抵食…查看更多

【觀塘區】【鮮芋仙】同朋友唔知點解會喺觀塘食糖水，原來喺 1am1431 畀過個名佢叫感應姐，咁就姑且叫住佢感應姐先啦。我依稀有啲印象係叫咗佢過嚟幫手做啲嘢，然後食糖水咁。喺觀塘搵糖水食都唔係易事，之前介紹過松記，今次食 apm 入面嘅鮮芋仙，都係排隊店。然而，而家呢間個排隊情況已經冇初初開嗰時咁誇張，可能只係等一等執檯嘅時間就已經入得。呢度係快餐式畀咗錢買嘢食先嘅方法，我就買 $52 嘅「冰招牌芋圓」，有芋薯圓、白玉、珍珠、芋圓，我仲加 $12 要咗球「雪糕」，咁樣夾埋就 $64，食吓先。味道只能講中規中矩，價錢合理但如果要排隊就好似唔多値咁嘅級數，普普通通咁囉。我買咗嘢食先，唔知感應姐嗰邊點，上菜先知原來佢又係買 $52 嘅「冰招牌芋圓」，配料一樣，不過佢加 $12 要嘅係「小芋圓」，夾埋都係 $64，真係夾都冇咁準呀，笑咗。。。（地址：觀塘觀塘道418號創紀之城五期(apm)大堂C-41號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #openrice #google #xiaohongshu #1am觀塘區 #觀塘 #鮮芋仙 #冰招牌芋圓 #芋薯圓 #白玉 #珍珠 #芋圓 #雪糕 #小芋圓 #1am1477 #1ambackup…查看更多

最近天氣咁熱真係要食下D清爽冰涼既野放工經過apm好想食鮮竽仙就買碗返屋企食今次order既係冰芋圓1號 : 白玉湯圓、薏仁、珍珠原來凍既芋圓係黑糖刨冰底黎🍧比起熱既芋圓口感冇咁煙韌。味道唔會太甜，各有各既口味不同薏仁反而有少少硬，而珍珠好有彈性同嚼勁。連同白玉湯圓一齊食更加豐富 …查看更多

從來冇寫過食評，亦冇投訴過，但呢餐糖水體驗幾差下，所以試下分享。夜晚大約0940左右拎飛等位，等左大約半個鐘1010左右入座，店員先話1030就閂門o唔ok，已經企左半個鐘等都惟有ok。到1015拎得糖水，自助自己去拎，但拎糖水個盤好濕，匙羹都濕埋，有啲核突。糖水方面，我地叫熱嘅，但佢溫度係暖都稱唔上，微溫咁好快就凍左變室溫，味道唔太甜，不過不失。***食到1030店員準時話要閂舖趕客，岩岩好食左15分鐘。其實一般餐廳都會半小時前截單，如果1030閂舖，多數1000截單；而佢又排晒隊，咁應該預返半個鐘截龍，等客人至少有半個鐘食、咁樣安排好合理吧？唔知係店舖咁樣安排想做盡生意，定還是員工唔細心冇安排，但總之咁樣做生意都幾冇良心，一定唔會再有下次了。…查看更多

兩個人食都食唔晒，份量比銅鑼灣嗰間大，嗌咗個$68嘅仲大過我個頭，食物都唔錯，算係又抵又好食。人又唔多，唔使點排隊。食物要自己去攞但員工服務態度好，前台好有禮貌…查看更多

咁啱經過觀塘APM，出面嘅天氣升溫了，有啲悶熱，行入商場里就睇到鮮芋仙。對於芋圓控嘅人肯定不抗拒，點都要入去食返碗冰先開心！今天order嘅係「冰招牌芋圓」，口味同其他嘅舖差唔多，但呢間嘅黑糖味就無咁濃，芋圓就無變，間間都好好食好煙韌！其次就係白玉同芋薯圓，呢間嘅口味比較好，唔會太濟喎，感覺都幾ok，配埋珍珠都好好食而且份量多！店舖環境雖然細啲，不過都坐得幾舒服。不過香港嘅鮮芋仙都有唯一缺點就係只收現金或者八達通，我覺得應該要改進一下喔！食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️價格：⭐️⭐️⭐️…查看更多