湯。雞

營業中

休息中

平時嚟親葵廣食嘢一定係掃街，食得多都悶悶地。今次同往日唔同，行到三樓經過間餐廳，門面簡約型格，睇餐牌係食養生砂鍋雞為主，見幾啱食就入去試試佢。星期日中午時間，葵廣例牌人來人往。餐廳亦唔例外，排隊排咗十分鐘左右就有位，都唔算太耐。入到餐廳環境雖小，但枱與枱不算迫狹。- 砂窩姬松茸蟲草花螺頭花菇雞⁸⁰湯料十足，有姬松茸、蟲草花、螺頭、花菇，細食人士只食湯料分分鐘夠飽，非常足料抵食。以湯做招牌嘅，當然第一時間試試個湯底先。湯底濃郁清甜，一飲就知絕無味精成份，感覺就似飲住家湯一樣，熬製時間不會短，夠晒養生。而雞件嫩滑配上淮山麵，麵身不會過腍有咬口。好食到最後連湯都飲埋，大滿足啊！- 麻辣墨魚頭⁴⁸秘製麻辣醬夠惹味，配上爽脆墨魚頭，咬落爽口彈牙，係我覺得必叫嘅一道小食。大推！- 麻辣蓮藕²⁴蓮藕爽脆多汁，配上麻辣醬夠惹味，非常開胃。