湯。雞

天氣涼涼地 想食反碗熱湯米線點知經過見到有藥膳雞呀諗都唔諗就座低啦其實佢每一款湯底都好吸引最後我都係揀反藥膳雞湯米線熱辣辣送上 個鍋仲滾緊飄出好濃郁嘅藥膳湯味 真係流曬口水最後緊係連湯都飲埋😋😋雞件另上，濃香既花雕酒味覆蓋住個口肥瘦適中唔會得個舊肥膏加埋個藥膳米線 真係絕配😍😍加多個小食麻辣墨魚頭粒粒爽口 仲要勁多蒜真係好食到不得了呀未試過既真係要試下呢🤤🤤…查看更多

話說當日外賣砂鍋水煮雞湯（芽菜，雲耳）轉雞髀，配白飯，$73+$6，外賣+$3個盒，total$79蚊，翻到屋企一打開個餸，真係打破我想象，湯底得雲耳？？？？芽菜呢？？？？甘就79蚊？？打電話去問我係未經外賣平台訂，係就申請退款，我話唔係，自己去買噶，跟住果個男人就話甘你下次黎食俾翻D芽菜你啦🙄🙄🙄繁忙時間一定有漏單喔，係未癡線架，即係我又要去食多次哩個餐🤷‍♀️🤷‍♀️🤷‍♀️就算有芽菜，你哩個餐憑咩值$73請問❓服務又差，憑咩羅獎啊門口掛住，千奇無去幫襯😡😡經平台就可以退錢，咩態度啊下次我就係食碟芽菜啊唔通…查看更多

香港又一間令人失望既食肆 完全唔掂 唔會再食 餐廳入面啲圖片真係只供參考 其實之前經過兩次都好似好多人咁 所以就諗住去試下，一開頭見到好多人排隊 差唔多入坐前就會有個阿姐就叫客人落定order 叫完野 坐低無耐啲野食就到 我叫左個砂鍋花膠雞湯翅 一黎到就睇下足唔足料 點知我搵黎搵去都搵唔到翅 之後我問左個好似老細 既職員 佢同我講有架 不過好少架咋 佢形容比我係做手勢比我睇 我見大概 既手勢係一毫子既size 之後我吓左1 聲, 之後已經覺得自己受騙 所以 唔會再黎食 其實比咁少翅不如唔好落翅喇 我寧願佢直接改做砂鍋花膠煲雞湯咪算囉 不過 算喇 唔會再食…查看更多

先講倒瀉野食飯跟一碗湯 男店員放低碗湯kick到個托盤 湯倒瀉左啲 啱啱好流到枱邊 未有倒落我身另一個企門口幫人落單嘅姨姨 就拎布過黎幫手抹點知！佢向出推！一下就將啲湯推落我條褲度 我著白色褲之後再拎幾張乾紙巾俾我我友人問佢地拎濕紙巾先識俾.第二 係安排不當佢地門口本身貼住9:30截單 收10點當日我地8點05-10分去到排隊隊後面一直都有人繼續排我地排左半個鐘 8:40左右有位入座我地入座後大概入多兩三枱門口姨姨就問人地“係米排隊？我地今日9點截單 要洗冷氣”如果係咁 點解唔早啲截龍？唔貼張紙出黎今日會早收？.第三 食物方面我食飯就普通無特別友人食砂鍋部分餸嘅份量就貨不對版重點係店員好理直氣壯講 係得咁多講緊係少到搵唔到.所以整體 唔食都唔會可惜…查看更多

每次去到都見到大排長龍，今次就決定試一試係唔係真係咁好味！🐣藥膳醉雞米線 $67兩個麵之間我比較推薦呢個🌟 醉雞整得好入味，藥膳味都好香，雖然只係雞湯米線，但因為醉雞本身味道夠晒濃，所以整體食落啱啱好，一啲都唔覺得寡！🍲砂鍋桃膠雪梨椰子雞紅薯粉 $73因為小編本身好鍾意食椰子雞，而且見舖頭好似大力推薦砂鍋系列，所以本身對呢一個有啲期待，但結果有少少失望😟 雖然係見到有椰子肉同桃膠，但個湯味道比較清淡，唔算太食得出椰子嘅味，所以連帶都覺得個雞有少少淡，但整體嚟講又係話太差嘅，只係冇預期中咁好食醉雞米線係幾出色，但個砂鍋椰子雞就一般，呢間有機會會再食嘅，但如果又要排咁耐隊就要考慮吓…查看更多

砂鍋桃膠雪梨椰子雞，配新竹米粉（$73）份量不少，雞約有七/八件，雞肉雖然唔算特別嫩滑，但都不錯，起碼唔嚡。椰子片好多，椰子肉爽口。桃膠味道正常。新竹米粉份量足，夠食，唔會碎濕濕及太淋。最後當然講吓湯底，一個字「掂」。首先夠熱，湯唔熱已經會扣分（天氣好熱，冷氣稍稍不足，一路食仲一路標汗）。味道清，唔油膩，帶少少甜，飲落好溫和好舒服，最後當然清哂啲湯。…查看更多

葵芳廣場入面好多小食掃街 難得有間可以坐低慢慢食 仲要係我最鐘意既雞米線當然要試下叫左個花膠雞砂鍋米線係成個鍋咁上 keep倒個湯夠熱 就算食到最後都係暖暖哋雞件都唔少 夠滑同多肉 唔會食哂d雞淨番好多米線 花膠就有兩件 我覺得都正正常常 算大件整體不錯 得閒會再黎食👍🏻…查看更多

在湯。雞最近的用餐體驗讓我感到非常失望。首先，服務態度令人不悅，侍應表現得不夠專業且不友善。在用餐過程中，侍應多次在我們桌旁走動，甚至在我們還在進食時頻繁地打擾，讓人無法安心享受美食。這樣的服務讓我感到被催促，完全沒有放鬆的感覺。至於食物方面，味道算是中規中矩，沒有太大的亮點，但也說不上難吃。整體來說，這次的用餐經驗讓人失望，主要是因為服務態度和用餐氛圍不佳。如果餐廳能夠加強員工的服務培訓，改善顧客體驗，或許我會考慮再去。…查看更多

真係超耐無行過葵廣啦，係嗰度掃街簡直係回憶殺🤣🥹💕不過比以前啲質素差左，同貴左！以前細個飲芒椰奶西$10到依家變左$18，仲要好似飲水咁🫠好差🥲不過比我揾到好野食！呢間花膠雞咁好食居然唔使排隊🫨係我好彩定咩？1️⃣砂鍋鮑魚花膠雞湯翅✨ $103[🅁🄰🅃🄴 5/5]平時我好怕食雞湯麵，因為怕啲雞好柴無肉得骨，我會咬唔到😅但呢間啲雞真係超嫩滑😋✨而且好大嚿，大約5-6舊，仲要係雞髀位（唔洗加$$！），鮑魚好腍入味，最勁都係個花膠，超級大塊，仲要有2塊👍🏻👍🏻超足料！個湯底應該係我有史以來飲完一啖會再想飲嘅湯底🤣平時好怕啲味精湯底唔健康，但呢個湯底勁足料！食到有金華火腿豬皮同埋魚翅💕👍🏻👍🏻超級正！我見到有好多人都飲哂個湯見到碗底😶‍🌫️呢個價錢真心值✨2️⃣砂鍋花膠雞湯翅 $83[🅁🄰🅃🄴 5/5]同1️⃣嗰個嘅分別純粹係少左隻鮑魚，差$20㗎，如果唔鍾意食鮑魚都可以揀呢一個，都已經夠好味😋…查看更多

## 食評：葵芳的午餐體驗星期日我同老婆去葵芳食午餐，呢間餐廳我老婆之前試過覺得不錯，但通常都要排隊。今次我哋未開店之前已經到，幸好唔使等。### 食物評價**醉雞刀削麵**：醉雞麵先上，湯香味充足，醉雞肉質結實，非常好味。醉雞湯加上辣醬，仲有少少麻子，極度惹味。不過，刀削麵有啲偏軟，唔夠咬口。**桃膠椰子雪梨雞米線**：椰子雞同米線搭配得一流，味道鮮甜，椰子非常新鮮。不過，雞肉略嫌不夠入味，但湯底非常好飲，桃膠的質感亦唔錯。**糖心蛋**：配合醉雞汁，味道特別，令人驚喜，真係好惹味。### 總結整體來講，今次的午餐非常滿意，食物味道都好。不過，下次可能會試下其他面，因為刀削麵有啲差強人意。總體來講，值得推薦！…查看更多

已經有好一段長時間冇去幫襯呢間舖頭，不過去親葵廣，如果想坐低食餐好嘅第一間一定會諗起呢一間湯雞。唔知係咪太耐冇去，一見到個湯好有驚喜。今次叫咗花膠雞湯配刀削麵，砂鍋上枱仲係熱辣辣好滾，雞油適中唔會過多，湯頭好香唔會過分味精，而且好足料，湯入邊會見到好多金華火腿同埋魚翅碎。每次經過都可以去試…查看更多

經過呢間成日都見到好多人排隊今日特登早起趁佢開門冇耐去試點知都已經滿座 都要等兩張先入到😂我哋叫咗個雞湯翅粉絲同埋椰子雞湯粉絲上菜嘅時候仲滾住 熱辣辣😆兩個湯底都超級濃郁 必點粉絲 因為會朔晒啲湯嘅精華🤤🤤而且比較爽口另外雞嘅份量都好多 粗略數過都有六至七嚿而且係仲會有雞髀同雞翼🤩另外小食我哋叫咗麻辣墨魚頭 超好食！佢唔會死辣個種 會越食越上癮😆價錢就偏貴 $49一碟 不過佢好食都OK嘅 一定會keep住幫襯但係真係早啲嚟先冇咁多人 我哋食完出去都已經見到人龍…查看更多

夜晚喺葵廣巡咗一圈，最後揀咗呢間舖，排隊排咗半個鐘左右就有位入。原來係坐細枱，細枱會坐得有啲侷促，而枱底有細勾可以勾起啲袋。之後店員見有大枱空出嚟就安排我哋兩個人轉枱，而下一個只有一人就坐我哋原本坐嘅細枱，店員都識靈活安排。兩個人最後總共叫咗3樣：砂鍋桃膠雪梨椰子雞，砂鍋水煮雞，雞湯蘿白。佢哋嘅出品同舖名一樣係湯同雞，首先湯底夠雞味，係好味嘅，唔似味精湯，其次啲雞都算唔錯，小食蘿白有驚喜，食到好飽，如果遲啲有機會嘅話會二訪。…查看更多

小店砂鍋雞米線成日都要排隊🙈證明佢真係好食熱辣辣嘅砂鍋好濃郁嘅雞湯雞嘅份量都有六至七舊佢仲有好多粉麵選擇例如有米粉 米線 銀針粉 白飯 公仔麵 揀另外都仲有好多麻辣小食今次叫咗泡椒牛柏葉牛柏葉爽口 泡椒味道夠辣整體嚟講都好好食大家不妨試試…查看更多

知道呢間餐廳一段時間，一直無機會去食。今日終於有時間，一嘗佢既午餐。今日同朋友12:30 到，前面排左10個人左右。舖頭裡面坐位唔多，因為都少少趕時間，所以掙扎左一陣等唔等好， 最後都只係等咗十多分鐘左右，就已經有得入去坐。我點咗個砂鍋花膠雞湯翅，朋友就叫砂鍋雲吞雞。兩個都可以配飯或各種粉麵，我地就揀左刀削麵和紅薯粉。兩個砂鍋都好多雞，好抵食。雲吞有兩粒，花膠有兩大塊，都好味。價錢分別係 $83和$75，呢個分量和質素，好抵食。…查看更多