Amitie Kitchen

營業中

休息中

環境企理，氣氛十足，態度友善。一般比較有級數啲西餐係會provide餐包，但我第一次食到拎上手會辣手嘅包😂仲要有咁多款，私心覺得抹茶提子乾包最為出色，跟埋杯散叫嘅宇治抹茶朱古力牛奶真係滿口全是綠茶，同埋出面真係未飲過綠茶加朱古力，出奇地夾。叫咗份火炙半熟三文魚伴紫蘇葉莎莎，佢上面加咗啲蔥花，有啲點蔥油嘅感覺，不過又幾特出到佢三文魚嘅味，令食三文魚都可以有返啲層次，欣賞。主食有辣蕃茄汁花甲天使麵同美國西冷排，個意粉唔算太辣、易入口，花甲大大隻有肉地，非常不錯，蕃茄汁口味平衡，唔會錯風頭，牛排就正常發揮，火喉係控制得剛好，唔會生咗或者過熟。甜品係我最愛嘅心太軟配雪糕，雖然流心未到好優秀，但起碼朱古力味特濃，配上雪糕依然係冇得輸嘅絕配，誠心推薦大家一試。