影片
更多
2022-08-22
39 瀏覽
呢間位於尖沙咀嘅鐵板燒我超級愛，我嘅原因係環境，食物質素，價錢都超合理，但唔好好似我咁白癡去錯餐廳，過咗隔離打邊爐🫣今次同朋友揀咗A5宮崎和牛鮑魚一人前鐵板燒，價錢$998一位，食物材料相對於平時食嘅鐵板燒絕對值，而且晚餐呢個價錢絕對唔係貴呢個套餐有前菜，極上刺身，沙律，生蠔，鮑魚，茶碗蒸，鱈魚或虎蝦，和牛卷，炒飯，味噌湯，甜品前菜前菜分別有三樣唔同嘅嘢，豆腐，茄子同埋雞肉雞肉令我刮目相看，個賣相似姜，但食落去真係薄切嘅雞肉，有啲似半生熟嘅口感但味道唔錯北海道生蠔大隻，新鮮，厚肉，推介👍🏻刺身分別有牡丹蝦，拖羅，帶子，油甘魚全部高級既刺身，而且每件都大大件厚切又飽滿，新鮮海葡萄沙律除咗海葡萄之外仲有啲豆同埋新鮮開草，味道還可以😌鮑魚用左鮮活南非鮑魚，相對於平時食鐵板嘅大隻，仲要勁新鮮最後鮑魚會切片然後仲會伴碟放埋鮑肝，口感唔錯而且味道好香由於鱈魚同埋虎蝦二選一，而我同朋友就決定一人揀一個然後share食，虎蝦本身大隻，而且蝦頭拎去炸過，所以食完蝦身肉，師傅仲同我哋講可以食其他位，並唔係淨係裝飾😋👍🏻蝦肉好爽而且蝦膏好香，十分之唔錯深海野生白鱈魚配左自家製白蜆汁 ，兩樣嘢幾夾，而且白鱈魚
今次同朋友揀咗A5宮崎和牛鮑魚一人前鐵板燒，價錢$998一位，食物材料相對於平時食嘅鐵板燒絕對值，而且晚餐呢個價錢絕對唔係貴
呢個套餐有前菜，極上刺身，沙律，生蠔，鮑魚，茶碗蒸，鱈魚或虎蝦，和牛卷，炒飯，味噌湯，甜品
前菜
前菜分別有三樣唔同嘅嘢，豆腐，茄子同埋雞肉
雞肉令我刮目相看，個賣相似姜，但食落去真係薄切嘅雞肉，有啲似半生熟嘅口感但味道唔錯
北海道生蠔
大隻，新鮮，厚肉，推介👍🏻
刺身
分別有牡丹蝦，拖羅，帶子，油甘魚
全部高級既刺身，而且每件都大大件厚切又飽滿，新鮮
海葡萄沙律
除咗海葡萄之外仲有啲豆同埋新鮮開草，味道還可以😌
鮑魚
用左鮮活南非鮑魚，相對於平時食鐵板嘅大隻，仲要勁新鮮
最後鮑魚會切片然後仲會伴碟放埋鮑肝，口感唔錯而且味道好香
由於鱈魚同埋虎蝦二選一，而我同朋友就決定一人揀一個然後share食，虎蝦本身大隻，而且蝦頭拎去炸過，所以食完蝦身肉，師傅仲同我哋講可以食其他位，並唔係淨係裝飾😋👍🏻
蝦肉好爽而且蝦膏好香，十分之唔錯
深海野生白鱈魚配左自家製白蜆汁 ，兩樣嘢幾夾，而且白鱈魚好滑又唔會有些味，加埋黑胡椒調味更加香
鹿兒島和牛卷
和牛未到就先比酸汁，自家味噌，芝麻
然後師傅會問你想和牛要幾成熟，我哋就揀三成，鐵板燒三成啱啱好，入面仲包咗配菜，仲有旁邊有伴碟，伴碟都花心思，有蓮藕片，南瓜，蒜片同蘆筍，蒜片超級香脆，連埋個牛一齊食簡直Perfect
茶碗蒸
茶碗蒸落咗三文魚子同埋好香濃嘅鰹魚汁，食完暖笠笠，而且蛋好滑
鐵板炒飯
炒飯入面有白飯魚同櫻花蝦，有別於唔同嘅就係佢係粉紅色原因係加咗梅子醬
仲特別配有堅魚汁，倒入個飯度之後因為加入咗梅子醬令酸味更特出，簡直係新食法，而且有啲似湯飯，但味道好香
麵豉湯
所屬正常冇咩特別
最後食完所有嘢梗係要食甜品，當天甜品係抹茶雪糕，佢唔會好苦上面仲加咗啲平時營養早餐嘅草莓脆脆，食落去更加香更加好食
當天晚上都多人去食，所以我建議早啲book位，環境坐得舒服，食物真係唔錯，價錢超值
張貼
