津津食店 (已結業)

難得入梅窩，當然要搵好西食啦！見到好多人都介紹呢間餐廳，所以決定黎試試佢。可惜，我地唔係星期日黎，無緣食到最出名既蟹茄湯檬。但唔緊要，都可以食到另一款出名既鮮茄牛腩湯檬。蕃茄湯底味道濃郁鮮甜，真材實料，而唔係重味精味，食完空虛兼要搵水飲。而牛腩就帶到驚喜我，非常入味同埋嫩滑！重點係，瘦腩佔多！！哈哈，因為本身我唔係咁鐘意食肥腩。所以特食呢碗湯檬食得好開心🥳另外，我地都叫左越式拼盤，有雞翼豬扒魚餅果啲，呢個就不過不失，唔會有太大驚喜。P.S. 原來間店唔收毫子，但餐廳姐姐好好人，主動幫我地換成1蚊銀。真係麻煩晒佢地！