大將 (已結業)

以 #任飲任食 嘅日式放題火鍋黎講, #大將 @taisyou.hk 係 #將軍澳 都算係一間唔錯嘅選擇!最近佢地轉左餐牌, 見佢地個日本黑毛和牛任食套餐都唔錯, 所以就試試~佢地嘅 #火鍋 係一人一鍋，我哋揀咗雞白湯同埋麻辣湯，辣又得唔辣又得！都幾估唔到麻辣湯係咁強烈嘅！湯底香料好足所以一滾起麻辣香氣就會隨風飄揚。佢嘅味道夠麻但又不算太辣，十分惹味。先黎一碟黑毛和牛油花，油花都幾靚幾多，肉質軟淋又充滿油香。除咗有黑毛和牛，仲有昆布漬雞肉同埋阿古豬五花肉片！昆布漬雞肉好爽口好嫩滑，讓人一口接一口。而五花肉片肥瘦比例均勻，好爽脆。套餐裏面仲有多款肉類同海鮮選擇，我哋試咗和牛肩胛肉、特選牛腹肉同埋一口牛肉粒。對比起黑毛 #和牛，都係佢口感比較好，所以到最後再都嗌多幾盆！餐牌上面嘅食物可以直接同職員落order, 之後就會有機械人運去你張枱。除此以外出面仲有沙律吧、炸物吧、飲品吧、雪糕吧、甜品吧等等。雖然係食肉獸，都要食返D菜balance一下。性價比較高就係佢嘅山芋，即係淮山。性價比高唔係因為佢貴，而係煮食之前嘅處理較麻煩，聽呀媽講掂親佢嘅黏液都會好痕，所以呢度唔駛自己處理又有得任食，我一