大將

營業中

休息中

好耐冇食放題～朋友介紹話Popcorn有一間日式火鍋放題都唔錯，今日同老細去試試！！環境都幾寬敞～分前後兩部分，門口仲有食材店，可以買食材返屋企～火鍋湯底有好多種可以揀，豐儉由人！我地要咗「海老濃湯完熟蕃茄」同「雞白湯」。佢有五個價位嘅放題套餐，老細話無幾可食就食好少少～揀咗個「澳洲和牛牛小排套餐」（$368），餐內可以選擇嘅肉都好多，唔怕冇嘢食～揀好湯底之後店員殷勤招待，先上個頭盤，每人有兩隻廣島蠔，兩隻鮑魚，仲有牛舌同牛胸腹眼～食材非常新鮮！呢啲就係一次過嘅（最貴個餐就任食～😆😋），至於肉類就任叫，無限添食！～淨係牛都有七八款：牛胸爽、牛小排、牛肩肉、牛板腱、滑牛……咩部位都有！唔食牛仲有豬：梅花肉、五花肉……但係估唔到今日mvp竟然係昆布漬雞肉！！啲雞肉又滑又爽口～真係好好味！！佢仲有其他唔同嘅嘢食：花甲、帶子、蝦滑、海蝦……真係海陸空都齊曬！！🤭😁除咗自助醬油之外，仲有大量嘅蔬菜、丸類、粉麵可以自己夾～飲品櫃嘅飲品都非常豐富，有唔同嘅果汁、茶、汽水～估唔到佢雖然係用汽水機，但係啲汽水都好夠汽～甜品有軟雪糕，仲有好多配料可以自己加～仲有咖啡機同刨冰機～細路自己刨真係會好開心！！店

天氣轉冷一凍就會好想打邊爐，今日去咗將軍澳站上蓋的PopCorn商場食火鍋放題，裝修走日式木系路線，環境闊落光猛亦坐得舒服。我哋揀咗❤️澳洲和牛牛小排放題120 分鐘❤️任飲任食，一人一鍋可以揀自己鍾意嘅湯底，叫左🧡花生沙嗲湯🧡 & 🧡海老濃湯完熟蕃茄湯🧡一坐低店員就奉上澳洲和牛牛小排 同埋賞味頭盤一碟（有牛舌、牛胸腹眼、廣島蠔），本身應該仲有鮑魚但咁岩今日冇貨就以蠔代替。我哋個餐肉類可以選各款牛、豬、雞、羊肉，同埋幾款海鮮。試左幾款牛肉同豬肉質素都幾好肉味濃。出面的自助區可以自取各款的醬料、小食、飲品，仲有很多火鍋配料供選擇：蔬菜類、丸類、麵類等。特別喜歡佢地小食泡菜同埋玉子燒😋仲有甜品區、自助雪糕機、窩夫機，仲可以自己加喜歡的配料，非常之有趣，我哋都有玩自己整窩夫，加埋雪糕夾住一齊食冰火交融好正😚特別推介的食材：💫澳洲和牛牛小排💫和牛胸腹眼💫熊本豬梅花肉💫日本帶子💫年糕福袋整體食材新鮮，自助區又乾淨企理，另外呢度落單加單食物上菜速度快，店員亦會常常詢問要唔要加湯，服務態度好👍🏻

今日同朋友去咗將軍澳大將 @taisyou.hk 食火鍋放題😋放題有90-120分鐘五個類別可以選擇~加$48仲可以任飲🍶清酒/生啤🍻鍾意飲酒既朋友記得bookmark了❤️🐂澳洲和牛牛小排火鍋放題 $368雖然叫牛放題但亦都有豬、羊、海鮮可以點，有九種自選湯底可以揀，有啲特別湯底會有額外加錢。而我哋分別叫咗兩個人氣之選嘅湯底：🌟黃金壽喜燒（額外+$10）🍲湯底味道鹹鹹甜甜、濃郁且鮮美。而且呢個湯底係配埋隻蛋俾你打落隻碗度沾肉食👍🍶昆布清酒大蜆湯（額外+$12）🐚大蜆湯底好抵，加$12可以吃到大約十幾隻蜆，而且湯底都唔錯😍用呢個湯嚟淥嘅嘢食全部都有陣陣海鮮味，鍾意海鮮嘅一定要試試🫶❤️我覺得大將最有特色嘅係好多嘢可以自助✍️雪糕、飲品唔使講，估唔到仲有得自製刨冰同窩夫🤩窩夫啲蛋漿仲要好濃，整完出嚟好好食😝而且好適合打卡曬成品📸

Blue Monday真的特別忙碌，特別疲累！為了好好慰勞自己，今晚一於去大將食澳洲和牛牛小排放題。最喜歡大將的一人一鍋安排，大家既可選擇自己喜歡的湯底和火鍋食材，又可一起暢快談天，一樂也。食店環境寬敞，有自助甜品區、飲品區、火鍋料區及雪糕機等，包保吃到捧腹而回。🤭🫕湯底方面，我們分別選了海老濃湯完熟番茄及日高昆布湯底，湯頭清甜，涮肉涮菜均十分足味。🦪嘗味頭盤～這set放題不僅牛、豬、雞，羊及海鮮任食，還奉送鮑魚2隻、廣島蠔2隻，牛舌及牛胸腹眼。鮑魚及廣島蠔size雖不大，但肉質飽滿，鮮甜。🐮多達11種牛肉包括澳洲和牛牛小排、安格斯牛小排、一口牛肉粒及牛胸爽等任點任食，以上四款均肉味濃郁，肉質結實之餘帶點油脂，美味可口。🦐海鮮方面，花膠及日本帶子均非常高質，鮮甜入味。🥬值得一讚是自助區的蔬菜種類亦非常多：菜心、油麥菜、大豆芽，年糕福袋及泡菜等，吃太多肉後正好以蔬菜平衡一下。吃火鍋時，如不想連湯帶肉吃，大將所選用的火鍋專用碗正好解決以上問題。碗上的湯隔能非常貼心地把湯，肉分離。一頓有肉、有菜、有海鮮、有飲品，有甜品的晚餐，120分鐘任吃，人均只需約$400，值得推介。

原來將軍澳都有好正嘅火鍋放題😍大將性價比都幾高😚澳洲和牛牛小排火鍋放題($368成人)有好多嘢食丫，一定唔會失望🥰湯底係一人一鍋，最特別係鍋底有羊腩煲選擇😍中式 Crossover 日式😂味道又幾好喔，羊腩好入味，一上嚟滾陣就得，好方便丫！小食方面已經好多選擇--炸物，關東煮，前菜如泡菜之類。仲有好新穎嘅做法，用托架將蔬菜籃托起，下面仲可以放其他嘢食😚一坐低就送上嚐味頭盤有牛胸腹眼，牛舌，鮑魚，廣島蠔，都幾高質🥸呢度叫肉類要搵人手落單，推介澳洲和牛牛小排，和牛胸腹眼，油花均勻，入口即融，好味😋薄薄一片，可以食多啲都唔油膩😊

老公話想打邊爐🍲所以我哋係屋企附近揾咗呢間🍲因為見網上評價都幾高😏成日經過門口，以為舖頭面積唔大….點知一行入去，原來仲有咁大個空間！😲入邊係自助飲品、熟食、前菜、甜品區。仲有好多張用膳餐枱🍽️坐低後🪑首先我哋揀好咗一人一湯底味道先，我：花生沙嗲湯底（花生味重）🥜老公：麻辣味噌湯底（唔算好辣）🌶️之後放題類別，我哋選擇咗120分鐘「澳洲和牛牛小排放題」$368(位）如果你哋鍾意飲酒嘅話，仲可以加$48任飲清酒 🍶&沖繩獵戶座生啤 🍻！食物到啦😋🥩牛私心推介：澳洲和牛牛小排 ＆嚴選Prime牛肩肉（牛味超濃，而且好嫩滑）🐟海鮮私心推介：沙白（超級鮮甜而且一粒沙都冇，脹卜卜滿肉）＆ 花膠（啲花膠索晒啲沙嗲湯超級好食😍）😋其他私心推介：一定唔好錯過自己整格仔餅🧇只需要1分鐘時間就整到，而且有部雪糕機🍦可以自己隨意揀鍾意嘅味道😛放落去mix & match 自製一款獨一無二嘅雪糕格仔餅😍😍熱嘅格餅加凍嘅雪糕，冷與熱嘅交融，不得了🤩面頭仲可以加上:朱古力碎，棉花糖，焦糖醬等等嘅配料……..另一推介嘅甜品係，自己加冰落去刨冰機落去，又可以創作一碗自己喜愛嘅刨冰🍧食完打邊爐食一碗美味刨冰真係一件賞心樂事

自助區材料豐富，有少量熟食另外有刨冰同格仔餅甜品同飲品種類較少肉類新鮮，上菜快金色價錢送嘅頭盤海鮮一般般下次會改叫低一級價錢，cp值高啲魚片冇骨十分讚蜆肉新鮮，蝦滑好滑脆響令真係即炸，烚完都係脆架，好正羊肉卷羶味唔太重，易入口服務態度真係好好，吉碟收得快見我哋夾唔起蜆主動比匙羹我地又主動比骨碟，主動加湯環境好乾淨企理，唔會覺得碗碟油冧冧，很好因為晏畫去食，覺得價錢係少許偏貴如果有晏就menu會抵食好多

是日打邊爐，揀咗澳洲和牛牛小排套餐（$368 再加一，任食兩個鐘）。揀呢個set就係貪佢🐮牛、🐷豬、🐏羊、🐤雞、🦐海鮮乜都齊哂！ 仲要係一人一鍋，唔洗就大家要咩湯底，又或者唔食啲咩咁☺️好方便!朋友揀咗🦐🍅海老濃湯完熟蕃茄湯底,幾夠味, 煮菜食一流。自己揀咗🥜花生沙嗲湯，煮肉煮麵都索哂啲沙嗲味，幾正一開始會有一份頭盤(澳洲和牛牛小排、牛胸腹眼、鮑魚同廣島蠔)。之後再叫其他肉同海鮮等配料。今次好幾款牛，牛味都重，質素唔錯。除咗🐮和牛牛小排外, 個人幾鐘意安格斯牛小排、嚴選Prime牛肩肉同和牛胸腹眼! 豬同雞都幾有驚喜，叫咗份🐽熊本豬梅花肉，幾爽口，而🐤昆布漬雞肉就好滑! 海鮮方面，嗌咗日本帶子、沙白同水魷都唔錯。餐廳嘅自助食品區有好多款🥬蔬菜同丸類，試咗個海鴨蛋丸好重咸蛋黃味，值得一試😋另外仲有啲前菜、熟食 (🥚玉子燒，炸雞，關東煮等）。飲品除咗雪櫃嘅飲品外，仲有☕️咖啡機同🥤汽水機。甜品就有泡芙、tiramisu、木糠布甸等自取。不過最吸晴🤩嘅都係窩夫機同刨冰機! 雖然已經好飽, 但都忍唔住玩下❗️🧇窩夫機係要倒粉漿再等佢一分鐘就搞掂! on top加雪糕同toppings，成件事唔同哂，

今日去將軍澳探朋友，當然要同佢食餐好，傾下計🫶🏻我地係popcorn到行左陣街，見到呢間大將係做放題，餐牌吸引左我，店員主動介紹有唔同時間同套餐選擇，人均200起，我地決定試下，我同朋友揀左120分鐘澳洲和牛牛小排套餐，除左牛香十足嘅澳洲和牛，頭盤嘅鮑魚同廣島蠔都好鮮味，仲有其他肉類同海鮮揀,其中我最喜歡昆布漬雞肉，雞肉十分嫩滑唔會有雪藏味道!而豬肉我鍾意嚴選伊比利亞五花肉，油脂分布均勻好味道。我地一人一揀一款湯底🥢雞白湯味道濃郁香厚，好creamy，望落好有食慾🥢海老濃湯完熟蕃茄🍅蕃茄味濃，微酸仲有蝦香味👍🏻餐廳仲有自助吧，分別有小食區、醬料區、鮮菜區、各種丸類同麵食😍十分豐富而且放得好企理乾淨👍🏻 除此之外，仲有自家製小甜品，可以自己親手整窩夫😍自己整都好脆身好食，開心！雪糕機分別有三個味道，真係大滿足💯

《大將 - 將軍澳》將軍澳一向出名自成一角，住呢居既人唔洗跨區都可以搵到想要既野食😉淨係講火鍋放題都已經數到五家啦😂今次我就同個住附近既朋友試左一家位於Popcorn 既任食日式火鍋 ，平日行過都唔覺有呢間嘢，不過原來餐廳都好大下，門口位置有個細細嘅門店可以買到急凍食材，裝修睇落十分舒適，喺入座前我哋就要揀好咗湯底同埋食邊一個價錢嘅套餐，今次我哋揀咗澳洲和牛既套餐$368，由於佢係一人一鍋嘅關係，所以朋友揀咗壽喜燒鍋我就揀咗沙嗲鍋😉揀完湯底坐低咗之後，我哋就可以拎住自己嗰個透明碗出去拎蔬菜、主食、小食等自助食物🥘食物嘅種類好多，淨係蔬菜都已經分咗兩個位放，而出面都有啲前菜小食可以比大家當係開胃菜😉我覺得佢啲泡菜味道偏甜幾好食，而蔬菜方面想食嘅嘢都應有盡有，我最印象深刻係有蟲草花任夾，仲有我好鍾意嘅蓮藕、芋絲等☺️想食啲咩自己夾就得啦，絕對唔會餓着出門口囉😗而肉類方面，餐廳安排咗頭盤俾我哋食咗第一輪，然後想加單嘅話就要搵店員幫忙，第一輪頭盤有生蠔、鮑魚、同埋主打嘅澳洲和牛小排，由於我哋兩個嘅關係，十分鐘都唔使就俾我哋清晒第一輪嘅食物，之後再叫咗牛柏葉、牛粒、美國牛小排等嘅食材，唯一有少少唔

今晚和朋友到將軍澳吃日式一人一鍋放題。店舖地方寬敞，以木系傢俬裝潢，座位舒適乾淨。自助區有很多食物任擇，如蔬菜、丸類、前菜、小食、雪糕及甜品等，飲品種類也很多，任君選擇。還有賣相可愛的機械人送餐。我們選了沙嗲花生湯底及蕃茄湯底。湯底尚算濃郁。每位首先奉送頭盤一碟，有鮑魚、廣島蠔和牛胸腹眼，非常美味。我們點的餐是澳洲和牛牛小排餐，牛小排肉質柔嫩，油花適中，放在湯底內灼一灼便可以吃，入口即溶，配上美味濃郁的醬汁，我們一口氣吃了很多碟。除了牛小排外，其他放題食物的款式也頗多，亦非常新鮮。我門最喜愛吃海鮮如：帶子、沙白、花膠、海蝦和水魷，還有雲吞和蝦滑等等火鍋食物。再加上在自助區拿的蔬菜和小食，實在吃得很充實而暢快。最特別的是我們可以自製窩夫。薄薄的一層蛋漿，不消1分鐘即變成美味鬆脆的窩夫。我們再在甜品區配上軟雪糕和一些糖果及醬汁，其美味程度絕對可媲美酒店級的buffet dessert！總括來說，以這個價錢來吃放題，性價比十分高。個人認為單是吃海鮮和和牛小排已值回票價，回頭率甚高！

最近天氣涼返少少，就即刻約朋友去打邊爐，黎到popcorn入面既大將火鍋放題，今次我地叫左澳洲和牛牛小排火鍋放題，認真唔錯。澳洲和牛牛小排火鍋放題 $368我地叫左雞白湯同日高昆布湯，昆布湯清新清甜，雞白湯香濃鮮甜，兩款配肉類都幾適合。揀完湯底之後店員會先送一碟嘗味頭盤，有廣島蠔兩隻，鮑魚，牛舌同牛胸腹。蠔既味道十分鮮而唔腥，鮑魚都好爽口，牛胸腹既油脂分佈得好好。之後重點就緊係要叫佢地既澳洲牛小排黎食啦，佢地既牛小排質素唔錯，有肉味得黎肉質嫩滑，又唔會有日本和牛果種油膩感，食多幾舊都仲得。除左和牛之外佢地仲有好多海鮮可以揀，我地就試左日本帶子，沙白，海蝦同花膠。帶子鮮甜，size都算大粒。沙白漲卜卜得黎無沙，值得一讚。海蝦肉質爽口彈牙，唔會霉哂。出面自助區仲可以各種小食，蔬菜，醬料，飲品同甜品，種類十分豐富，分區都幾清晰。佢地既特別之處係可以有即整窩夫，自己整既果然係好食d。

🍱餐廳：大將(將軍澳)🏫地址：將軍澳唐賢街9號PopCorn商場1樓F10號舖☎️電話: 26683370 ｜這間日式火鍋放題餐廳地點真係超級方便，將軍澳站中間PopCorn出口，轉左上一層直達，今晚揀了澳洲和牛牛小排火鍋放題 ，自選湯底揀選的花生沙嗲湯及海老濃湯完熟蕃茄湯底都屬於不用加錢款式，也非常美味，即每位$368再加一，價錢雖然不是十分便宜，但能享受到新鮮的食材，任吃兩小時，性價比也不錯👍每位首先奉送嘗味頭盤一碟，有鮑魚及廣島蠔各兩隻、牛舌及牛胸腹眼，全部都美味❤️整體來說，呢度嘅食物都係高質，個人覺得最好味的係澳洲和牛牛小排、帶子及沙白！澳洲和牛牛小排肉質柔嫩，油花適中，我哋每人一口氣便吃了三碟，即係共六碟，利害吧!帶子也encore了兩次，每次我哋點四粒，因不想浪費（其實想叫幾多都得，直接同職員講便可以了）最後每人都食咗六粒，皆因夠新鮮，有帶子的鮮味及食多咗都唔會太飽🤣 沙白又係食極都唔飽嘅系列，所以係我嘅至愛，我一個人都可以食十幾粒☺️放題食物的款式也頗多，我哋食咗花膠、海蝦、水魷魚、羊肉、嚴選Prime牛肩肉、伊比利亞五花肉、雲吞及蝦滑等，因為眼闊肚窄，其他款式唯有等下次了！

人均$200起｜將軍澳｜火鍋｜大將這次我們來到將軍澳，聽說這裡有好吃的火鍋放題，和風羊腩煲也是很有名的～當然要來嚐嚐啦！澳洲和牛牛小排火鍋放題 我們這次點了這個120分鐘的任吃放題套餐，裡頭包括了牛味香濃的澳洲和牛牛小排、牛腱肉、滑牛肉、牛百業等，還有十分罕見的牛胸爽，以$368這個價位來講實在是划算！我私心推介朋友先吃吃和牛牛小排，油花特別濃，香味十足，好吃！日本料理羊腩煲也是沒有騷味，和式的烹飪方法帶來了新鮮感。牛胸爽也是很值得去吃吃看的。還不只這樣喔：他們家還有日本帶子、墨魚片、沙白、海蝦等，全部都是任吃的！肯定有一款適合你的！我們吃了好幾輪的墨魚片，他們都很爽脆，點上自己調的醬油大滿足了辦完正事以後，還可以去吃巧克力和雲呢拿口味的軟雪糕🍦——————為食分界線——————📍大將(將軍澳)將軍澳唐賢街9號PopCorn商場1樓F10號舖人均消費： $200#mariofatfat #foodie #hkfoodie #大將 #火鍋 #日式火鍋 #大將火鍋 #火鍋放題 #日式料理 #日式涮涮鍋 #日式放題 #任飲任食 #火鍋湯底 #和牛 #放題 #shabushabu #hk #

蕃 配料夠多，多選擇， 加了刨冰， 有 小朋友很喜歡， 今次選擇了一個最平的套餐但肉類 也很好味 最值得推介是魚 ，很鮮咪，茄湯很夠味，還不用加錢味道很好值得推介， openrice頂有九折 小朋友及65歲以上半價，好抵。