大將 (已結業)

今日去將軍澳探朋友，當然要同佢食餐好，傾下計🫶🏻我地係popcorn到行左陣街，見到呢間大將係做放題，餐牌吸引左我，店員主動介紹有唔同時間同套餐選擇，人均200起，我地決定試下，我同朋友揀左120分鐘澳洲和牛牛小排套餐，除左牛香十足嘅澳洲和牛，頭盤嘅鮑魚同廣島蠔都好鮮味，仲有其他肉類同海鮮揀,其中我最喜歡昆布漬雞肉，雞肉十分嫩滑唔會有雪藏味道!而豬肉我鍾意嚴選伊比利亞五花肉，油脂分布均勻好味道。我地一人一揀一款湯底🥢雞白湯味道濃郁香厚，好creamy，望落好有食慾🥢海老濃湯完熟蕃茄🍅蕃茄味濃，微酸仲有蝦香味👍🏻餐廳仲有自助吧，分別有小食區、醬料區、鮮菜區、各種丸類同麵食😍十分豐富而且放得好企理乾淨👍🏻 除此之外，仲有自家製小甜品，可以自己親手整窩夫😍自己整都好脆身好食，開心！雪糕機分別有三個味道，真係大滿足💯