沾仔記 (威靈頓街)

營業中

休息中

又係中環做嘢，今次食呢間中環沾仔記，見佢成牆都係米芝蓮牌，門口又黐咗好多報紙，所以就入去試試啦。雖然佢有咁多牌，但係價錢都唔算貴，真係幾抵食。今次叫左個三寶撈麵，雲吞大大粒兼彈牙，真係可以叫皮薄餡靚。鯪魚都係大大粒。牛肉冇特別，正正常常。麵就超級彈牙爽口，簡單加左啲蠔油都幾好食。如果可以食得辣既一定要加埋佢既辣椒油，真係又香又惹味。另外佢有跟半碗湯，湯底偏甜口，但係味道唔錯，同個麵同埋雲吞都好夾。