金鳳大餐廳 (山林道)

營業中

休息中

一入去坐低，店員見我地好凍甘就即刻斟杯熱水比我地暖下身，好體貼。每月特選晚餐 $152【牛油餐包是日餐湯】餐包烘籽熱過，幾鬆軟，白湯夠稠密夠濃厚。【蟹籽鮮果沙律】拎出黎成個蛋糕甘，沙拉醬拌薯蓉同生果。【鐵板那威三文魚扒拼紐西蘭牛扒】揀完醬汁，店員倒之前會提我地打開定紙巾擋一擋油，真係好體貼。估吾到三文魚扒仲正，外皮炸到勁香脆，又吾會覺得好油膩，牛扒勁大塊又juicy。【意大利配方雪糕】係菠蘿味既雪糕，比一般既軟滑好多。餐飲加咗$15升級【 金蘋果（木梨）Qunice juice】賣純天然，酸酸甜甜幾愛好飲。【乾炒牛河肉意粉】$52幾有鍋氣，份量又多，不過調味就單調左d