淥鼎記

營業中

休息中

今日食嘅套餐係淥鼎記—小寶套餐（120分鐘火鍋放題），主菜選擇左酸菜魚（小辣），由於主菜都重口味，所以火鍋湯底擇左清啲嘅澳門豬骨鍋。我去左拎調味料嘅瞬間，一番埋位已經成枱都係食物！效率十足！.前菜有麻辣金錢肚、酸辣鳳爪、涼拌木耳、台式腸仔，賣相吸引好食，最鍾意係酸辣鳳爪，非常開胃！酸菜魚份量十足，魚片數量非常之多，食落嫩滑入味，仲有薯粉、芽菜、萵筍、蓮藕等配料，湯底飲落鮮甜酸辣，好食！推薦！我同朋友兩個女仔淨係食呢一個主菜都飽左7-8成😂澳門豬骨鍋，一開始以為呢度嘅豬骨湯底都係味精湯底，估唔到非常之足料，湯底有兩舊大豬骨，仲有粟米蘿蔔等配料，就咁飲味道鮮甜！火鍋配料嘅選擇都非常之多，牛肉、豬肉、羊肉、海鮮、丸類、餃子、蔬菜等等，推薦鵝腸、韓國生蠔、海蝦！除咗火鍋配料選擇多，飲品選擇都好多，仲有自家製茶同竹蔗茅根，可以清下熱氣！