影片
更多
2024-03-07
45 瀏覽
大埔多野食就大家都知，落樓行下成條街都係食肆，唔想煮飯行遠少少近太和果頭發現時平民日本食堂，都即時入咗去試吓！🦪 日本真蠔見舖內張貼啲蠔相，我哋每人叫咗一隻日本蠔試吓，見到師傅即試用水清洗同開，再擺碟拎俾我哋，嘩😳估唔到咁大隻～好肥美，兩個都急不急待夾左入口，好新鮮woooo~🍸 千層海膽杯嘩！呢個海膽杯好靚啊～好少係日本以外地方食到好食嘅海膽，唔腥已經感恩，但呢個海膽杯又真係好吸引，好大杯海膽加埋吞拿魚蓉，好正啊～見每個座位隔離張貼咁張提示教大家點食呢個海膽杯就知呢個係鎮店之寶😋🍲 辣酒煮蜆跟住就上熱辣辣嘅辣酒煮蜆，平時叫開清酒🍶煮蜆，今次想有少少唔同口味，見到隻隻蜆肉都漲卜卜，又好鮮，辣得來過癮，好好味啊🤤🍢 即燒串燒今次我哋兩個人叫咁四串好特別嘅串燒，有雞尾串同煙肉荔枝卷，同叫咗兩個必食嘅黑豚腩串同鹽燒牛排串。雞尾串真係好正，脆卜卜，好有雞油味，似豐富嘅早餐炸雞皮味！而荔枝配煙肉都好特別，又幾夾，朋友愛食荔枝大愛！🍣 上十貫目未夠喉，食日本野點可以唔試吓佢地嘅壽司🍣最後叫多碟十件壽司試試，味道不過不失，高過一般地區性嘅壽司，最有印象竟然係帶子壽司，好有鮮味！可能我哋散叫價錢就比較
大埔多野食就大家都知，落樓行下成條街都係食肆，唔想煮飯行遠少少近太和果頭發現時平民日本食堂，都即時入咗去試吓！
🦪 日本真蠔
見舖內張貼啲蠔相，我哋每人叫咗一隻日本蠔試吓，見到師傅即試用水清洗同開，再擺碟拎俾我哋，嘩😳估唔到咁大隻～好肥美，兩個都急不急待夾左入口，好新鮮woooo~
🍸 千層海膽杯
嘩！呢個海膽杯好靚啊～好少係日本以外地方食到好食嘅海膽，唔腥已經感恩，但呢個海膽杯又真係好吸引，好大杯海膽加埋吞拿魚蓉，好正啊～見每個座位隔離張貼咁張提示教大家點食呢個海膽杯就知呢個係鎮店之寶😋
🍲 辣酒煮蜆
跟住就上熱辣辣嘅辣酒煮蜆，平時叫開清酒🍶煮蜆，今次想有少少唔同口味，見到隻隻蜆肉都漲卜卜，又好鮮，辣得來過癮，好好味啊🤤
🍢 即燒串燒
今次我哋兩個人叫咁四串好特別嘅串燒，有雞尾串同煙肉荔枝卷，同叫咗兩個必食嘅黑豚腩串同鹽燒牛排串。雞尾串真係好正，脆卜卜，好有雞油味，似豐富嘅早餐炸雞皮味！而荔枝配煙肉都好特別，又幾夾，朋友愛食荔枝大愛！
🍣 上十貫目
未夠喉，食日本野點可以唔試吓佢地嘅壽司🍣最後叫多碟十件壽司試試，味道不過不失，高過一般地區性嘅壽司，最有印象竟然係帶子壽司，好有鮮味！
可能我哋散叫價錢就比較高😂😆
張貼
