影片
更多
2023-09-08
551 瀏覽
[ 鮨魂 ]想食壽司刺身Omakase唔一定要去九龍/港島。大埔呢間日式餐廳2018年開業，係區內第一間Omakase店🍣，午市及晚市都有Omakase廚師發板套餐供應。晚市有兩款Omakase套餐：「心Kokoro」$1380及「魂Tamashii」$1680，由主廚聰師傅主理。✿ 魂Tamashii $1680呢款dinner set廚師發辦有22道菜，款式多元化，包括前菜、刺身、壽司、煮物、燒物、湯、甜品等。前菜🥗「水菜、車子、水茄子」，車子係熟賴尿蝦，味道鮮甜，柚子醬汁清新，相當開胃。刺身🐠🐚（1）八太魚魚脂較少，肥而不膩，肉質實淨。配芽蒽、鹽粒，既可調味又可平衡魚香。（2）炙烤鰹魚鰹魚好厚切，魚肉烤後🔥有煙燻風味，中心部位半生熟，入口即化。（3）間八以柚子胡椒醬醃過，辣辣地，肉質肥美。（4）石垣貝師傅即席拍打石垣貝肉，貝肉即時收縮好新鮮！貝肉肉厚柔嫩，爽口鮮甜。（5）蟹肉鮮甜而海水味較重。配上蟹醋啫喱及紫蘇花🌸，賣相精緻。壽司🍣（1）白魷魚壽司以醬油、薑汁調味，口感黏口。（2）沙錐魚壽司魚身較細，肉質結實，質感清爽。（3）鮑魚配鮑魚肝醬赤醋飯鮑魚以昆布高湯🥣燉煮，質地柔軟有咀
想食壽司刺身Omakase唔一定要去九龍/港島。大埔呢間日式餐廳2018年開業，係區內第一間Omakase店🍣，午市及晚市都有Omakase廚師發板套餐供應。
晚市有兩款Omakase套餐：「心Kokoro」$1380及「魂Tamashii」$1680，由主廚聰師傅主理。
✿ 魂Tamashii $1680
呢款dinner set廚師發辦有22道菜，款式多元化，包括前菜、刺身、壽司、煮物、燒物、湯、甜品等。
前菜🥗
「水菜、車子、水茄子」，車子係熟賴尿蝦，味道鮮甜，柚子醬汁清新，相當開胃。
刺身🐠🐚
（1）八太魚
魚脂較少，肥而不膩，肉質實淨。配芽蒽、鹽粒，既可調味又可平衡魚香。
（2）炙烤鰹魚
鰹魚好厚切，魚肉烤後🔥有煙燻風味，中心部位半生熟，入口即化。
（3）間八
以柚子胡椒醬醃過，辣辣地，肉質肥美。
（4）石垣貝
師傅即席拍打石垣貝肉，貝肉即時收縮好新鮮！貝肉肉厚柔嫩，爽口鮮甜。
（5）蟹肉
鮮甜而海水味較重。配上蟹醋啫喱及紫蘇花🌸，賣相精緻。
壽司🍣
（1）白魷魚壽司
以醬油、薑汁調味，口感黏口。
（2）沙錐魚壽司
魚身較細，肉質結實，質感清爽。
（3）鮑魚配鮑魚肝醬赤醋飯
鮑魚以昆布高湯🥣燉煮，質地柔軟有咀嚼，鮮美清甜。
（4）赤鯥壽司
魚肉輕輕燒過🔥，逼出魚油。表面加烏魚子，香味濃郁。
（5）拖羅蓉壽司
師傅細心地係席前將九州長崎拖羅肉起筋，再整成拖羅蓉，口感柔軟，入口即溶。
（6）炭燒拖羅壽司
用備長炭木🪵炭燒嘅九州長崎拖羅油脂豐富，入口即化，嫩滑肥美帶炭香味。
（7）粒貝壽司
螺貝口感爽脆，味道清甜帶淡海水味，加入日本青檸更清新。
（8）白蝦壽司
富山灣白蝦晶瑩剔透，表面加少許竹炭葉，肉質彈牙，鮮甜美味。
（9）馬糞海膽壽司
北海道馬糞海膽味道鮮美，海膽味較濃郁，入口即溶。
（10）醋鯖魚壽司
鯖魚刺身經醋醃後無魚腥味，只有魚油香氣。魚肉上面放上紫蘇味白昆布。
燒物🔥
（1）燒鷹鯧
鷹鯧係鯧科上價魚，肉質結實，魚油魚肉味更香濃。
（2）蠑螺
於螺殼內注入菇湯🍄後火燒，螺肉吸收高湯精華，口感有嚼勁。
（3）燒玉子
加入帶子、甜蝦等材料製作，造法較為特別，口感綿密。
湯🥣
豆腐魚清湯味道清甜，無魚腥味。
生果、甜品
日本白桃🍑多汁清甜。甜品係將紅豆及丸子加入南瓜蓉🎃，香甜Q彈。
總結🫦
餐廳以簡潔木系設計。店內只有10個座位，客人可以近距離欣賞師傅嘅手藝。師傅話海鮮食材均來自日本🇯🇵，但並非來自被禁10個都縣，食得安心。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
鮨魂
地址：大埔太和路3號翠怡花園C座地下
17A號舖
電話：2785 6088
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
張貼
