影片
更多
2023-05-03
806 瀏覽
《哥哥添飯 · 妹妹泡茶 - 大埔》之前其實都介紹過呢間餐廳位於觀塘嘅分店，當時係因為俾佢個名吸引咗😂不過上次試過之後覺得味道又幾唔錯喎，所以間唔中都有再到訪😉最近發現，原來大埔墟呢邊都開左佢地分店，而且食既野同觀塘店既有少少唔一樣🤭今次我就捉左我媽咪一齊去新店呢度食lunch，我地每人叫左一個主食，一杯飲品，另外再叫左一個小食同一個甜品share，兩個人食份量剛剛好，埋單都係二百幾😉💁🏻♀️腿茸菜膽雲吞雞拼脆米窩巴 $106今次我就試咗新產品腿蓉菜膽雲吞雞😉之前喺觀塘都未食過，其實我本人超級鍾意食雲吞雞呢一類嘅湯品😋一來有湯飲，二來唔使食咁多澱粉🤭雲吞雞嘅精髓在於個湯有濃縮嘅雞味同埋金華火腿鹹香嘅味道👍🏻今次我就配窩巴食，啲窩巴脆卜卜浸落湯入面食可以嗦埋湯嘅精華，呢個配搭都幾新鮮😋💁🏻♀️正宗紅燒手切牛肉麵 $96媽咪一向鍾意食牛肉麵，今次都唔例外，揀左最classic 既紅燒牛肉麵做午餐🐮牛肉十分厚切，而且煮到好淋好入味，個紅燒汁湯底濃郁得黎帶點香甜，唔會死咸搶左牛肉既肉味，個牛肉麵仲有蟲草花、酸菜同流心蛋做配角 ，成件事個味道都幾夾架💁🏻♀️鹽燒牛舌2串 $26見店員推介牛舌，我
之前其實都介紹過呢間餐廳位於觀塘嘅分店，當時係因為俾佢個名吸引咗😂不過上次試過之後覺得味道又幾唔錯喎，所以間唔中都有再到訪😉最近發現，原來大埔墟呢邊都開左佢地分店，而且食既野同觀塘店既有少少唔一樣🤭今次我就捉左我媽咪一齊去新店呢度食lunch，我地每人叫左一個主食，一杯飲品，另外再叫左一個小食同一個甜品share，兩個人食份量剛剛好，埋單都係二百幾😉
💁🏻♀️腿茸菜膽雲吞雞拼脆米窩巴 $106
今次我就試咗新產品腿蓉菜膽雲吞雞😉之前喺觀塘都未食過，其實我本人超級鍾意食雲吞雞呢一類嘅湯品😋一來有湯飲，二來唔使食咁多澱粉🤭雲吞雞嘅精髓在於個湯有濃縮嘅雞味同埋金華火腿鹹香嘅味道👍🏻今次我就配窩巴食，啲窩巴脆卜卜浸落湯入面食可以嗦埋湯嘅精華，呢個配搭都幾新鮮😋
💁🏻♀️正宗紅燒手切牛肉麵 $96
媽咪一向鍾意食牛肉麵，今次都唔例外，揀左最classic 既紅燒牛肉麵做午餐🐮牛肉十分厚切，而且煮到好淋好入味，個紅燒汁湯底濃郁得黎帶點香甜，唔會死咸搶左牛肉既肉味，個牛肉麵仲有蟲草花、酸菜同流心蛋做配角 ，成件事個味道都幾夾架
💁🏻♀️鹽燒牛舌2串 $26
見店員推介牛舌，我地都叫左一份黎試下，牛舌只係輕輕用左鹽同黑椒調味，簡簡單單已經帶出到牛肉香，同埋件牛舌其實都幾厚切，咬落啖啖肉都幾滿足架
💁🏻♀️老細萬歲黑糖珍珠奶茶 $18
我一向都中意飲黑糖類既手搖飲品🤭所以黎食台灣菜又點會唔叫呢😁黑糖珍珠食落煙韌而且份量都算多，如果怕太甜記住點餐時要講少甜呀
💁🏻♀️有時候想喝紅豆烏龍奶茶 $18
媽咪個紅豆烏龍奶茶就真係較為甜左少少，可能因為蜜紅豆既關係啦，不過佢同樣地有好大量紅豆喺底，跟主食加$18係抵飲既
💁🏻♀️ 大三圓紅豆椰汁芋圓 $42
最後就到甜品啦，有我最喜歡既芋圓呢😉其實佢既糖水種類都唔少架，不過我當時突然想食椰汁類既，所以叫左呢款，佢啲紅豆多到好似唔洗錢咁🥰真係太誇張啦，而且三色芋圓既份量都唔少，兩個人share都無問題👍🏻
張貼
