影片
更多
2022-05-30
253 瀏覽
是日放工去咗轉大埔一間幾受街坊歡迎嘅bar restaurant同fd聚一聚～入去嘅時候見到啲客人同啲staff/老闆都幾好傾，成個氣氛好似真係落咗bar咁，但我哋就唔諗住飲酒，只係嚟食個飽肚嘅晚餐，吹下水咁。原本想嗌豬肋骨試試，但可能太受歡迎，嚟到已經賣晒><最尾揀咗三樣嘢食，份量都幾多，坐咗大約2個鐘，慢慢食先食得曬😂雞翼三重奏 $88有水牛城、牛油、蜜糖芥末三隻味，每款兩隻。整得幾入味，幾多汁。蜜糖芥末味啖啖食落去都有醬汁嘅味道，好邪惡。水牛城雞翼嘅甜辣度拿捏得啱啱好。牛油味夠熱，啲牛油滲入去隻雞翼嘅程度啱啱好，應該係即叫即整。呢份雞翼拼盤我哋唔係喺佢上枱時就即刻食，但仍然能夠保持熱度，抵讚！烤美式春雞配薯菜 $138其中一個主食。廚師好貼心，輕輕將春雞𠝹開咗4份，等我哋易啲分配。春雞個size都幾大，配埋個香草蓉（？）做醬，浸味唔會寡，好抵食。薯菜有薯條同番薯條，一次過試晒兩款，推薦呢個！西班牙海鮮焗飯 $158係三樣嘢之中最貴嗰樣。正常分量，入面有兩隻大蝦，有幾嚿青口，味道不過不失啦。唔係必食，但如果想攝取下碳水都可以嗌嚟食。見到隔離枱嗌咗burger，應該係
入去嘅時候見到啲客人同啲staff/老闆都幾好傾，成個氣氛好似真係落咗bar咁，但我哋就唔諗住飲酒，只係嚟食個飽肚嘅晚餐，吹下水咁。
原本想嗌豬肋骨試試，但可能太受歡迎，嚟到已經賣晒><最尾揀咗三樣嘢食，份量都幾多，坐咗大約2個鐘，慢慢食先食得曬😂
雞翼三重奏 $88
有水牛城、牛油、蜜糖芥末三隻味，每款兩隻。整得幾入味，幾多汁。蜜糖芥末味啖啖食落去都有醬汁嘅味道，好邪惡。水牛城雞翼嘅甜辣度拿捏得啱啱好。牛油味夠熱，啲牛油滲入去隻雞翼嘅程度啱啱好，應該係即叫即整。呢份雞翼拼盤我哋唔係喺佢上枱時就即刻食，但仍然能夠保持熱度，抵讚！
烤美式春雞配薯菜 $138
其中一個主食。廚師好貼心，輕輕將春雞𠝹開咗4份，等我哋易啲分配。春雞個size都幾大，配埋個香草蓉（？）做醬，浸味唔會寡，好抵食。薯菜有薯條同番薯條，一次過試晒兩款，推薦呢個！
西班牙海鮮焗飯 $158
係三樣嘢之中最貴嗰樣。正常分量，入面有兩隻大蝦，有幾嚿青口，味道不過不失啦。唔係必食，但如果想攝取下碳水都可以嗌嚟食。
見到隔離枱嗌咗burger，應該係車打芝士煙肉牛肉漢堡配薯條（$118），份量好多，個burger好厚，下次有機會再嚟嘅一定會試呢個！！
張貼
