影片
更多
2023-11-02
33 瀏覽
大埔真係好多好嘢食，繼早前到訪了安慈路一間新派點心專門店後，今日又再次嚟呢區搵食，而今次嘅目標就係呢間朋友力推嘅喇沙海南雞專門店「暢和號」。餐廳主打東南亞菜，餐牌選項非常豐富，除咗招牌海南雞外，仲有飯類、鮮香蝦油撈麵、滷湯麵、喇沙系列、小食、特飲、甜品同抵食二人套餐等供應。點咗個主食：暢和招牌海南雞配鮮香蝦油撈麵 ($68)，+$8 轉咗雞髀，上桌時附有椰子冬瓜雞湯同三色醬。雞湯每日新鮮熬製，入口相當清甜。海南雞以三黃雞炮製，雞肉內外均浸至僅熟，做到如同慢煮嘅嫩滑效果，三色醬有畫龍點睛之效，蝦油麵風味獨特，入口散發著濃郁蝦香，非常美味。點主食可以用優惠價追加小食同飲品，嗌咗杯泰式傳統奶茶 (+$14)，奶茶選用 Cha Tra Mue 手標茶葉沖製，口感順滑，濃香不澀，充滿泰國風味。另外仲點咗三款小食：秘。芝麻蝦多士 ($38)、涼拌沙薑豬手粒 ($41) 同 泰式炸蝦餅 ($30)。蝦多士炸得很香脆，面層鋪滿黑白芝麻，入面嘅蝦膠餡落得好重手，點埋個沙律醬食，滋味滿分💯。豬手粒面頭淋滿了新鮮沙薑同沙薑油，外皮唔會太軟，帶點咬口，食落一點也不油膩，爽脆彈牙。蝦餅炸至金黃色，熱辣辣，咬下鬆
大埔真係好多好嘢食，繼早前到訪了安慈路一間新派點心專門店後，今日又再次嚟呢區搵食，而今次嘅目標就係呢間朋友力推嘅喇沙海南雞專門店「暢和號」。
餐廳主打東南亞菜，餐牌選項非常豐富，除咗招牌海南雞外，仲有飯類、鮮香蝦油撈麵、滷湯麵、喇沙系列、小食、特飲、甜品同抵食二人套餐等供應。
點咗個主食：暢和招牌海南雞配鮮香蝦油撈麵 ($68)，+$8 轉咗雞髀，上桌時附有椰子冬瓜雞湯同三色醬。雞湯每日新鮮熬製，入口相當清甜。
海南雞以三黃雞炮製，雞肉內外均浸至僅熟，做到如同慢煮嘅嫩滑效果，三色醬有畫龍點睛之效，蝦油麵風味獨特，入口散發著濃郁蝦香，非常美味。
點主食可以用優惠價追加小食同飲品，嗌咗杯泰式傳統奶茶 (+$14)，奶茶選用 Cha Tra Mue 手標茶葉沖製，口感順滑，濃香不澀，充滿泰國風味。
另外仲點咗三款小食：秘。芝麻蝦多士 ($38)、涼拌沙薑豬手粒 ($41) 同 泰式炸蝦餅 ($30)。蝦多士炸得很香脆，面層鋪滿黑白芝麻，入面嘅蝦膠餡落得好重手，點埋個沙律醬食，滋味滿分💯。
豬手粒面頭淋滿了新鮮沙薑同沙薑油，外皮唔會太軟，帶點咬口，食落一點也不油膩，爽脆彈牙。蝦餅炸至金黃色，熱辣辣，咬下鬆脆燙口，值得推介！
張貼
