三小姐海鮮小菜

營業中

休息中

六個人食晚飯喺樓下街市買咗九節蝦，鱲魚去三小姐加工叫咗🥢豉椒炒蜆蜆冇沙，唔算好鮮甜，正常發揮冇乜特別。🥢上湯大蝦伊麵(自備九節蝦)大蝦自己買嚟加工，廚房將蝦走過油，面就比較腍，上湯底偏鹹。🥢啫啫通菜雖然偏鹹，但係啲蝦乾炸得好香脆，份量都好多。🥢蒸鱲魚(自備鱲魚)條魚自己埋嚟加工，唔會蒸到過老，正常發揮。🥢荷葉蒸雞糯米飯成晚呢道菜叫最好食，雞幾嫩滑，糯米飯索咗雞汁加埋淡淡嘅荷葉幾好食 😋三碟餸都有啲過鹹，水準有點下降，但埋單唔計加工，四百尾五百有找，尚算幾抵食。