芝加哥串燒酒場 (太和中心)

每次想同朋友啤啤佢，都會揀大埔呢間芝加哥，環境同食物樣樣都唔錯，性價比高，我哋一行二人眼闊肚窄叫咗好多嘢食：🥢Peach Mojito好香桃味，清新又refreshing，夏天飲好爽。🥢Kirin🥢（左起）招牌珍寶生蠔串、燒羊架培根年糕卷、培根車厘茄卷、煙燻和牛牛舌生蠔串燒到半生熟，濃濃嘅海水味好好食；燒羊架七成熟，肉質軟腍，唔會太羶；和牛牛舌一串有四件，都幾抵食。🥢茄子燒(原條)燒到好腍好juicy，上面舖滿蒜蓉，好香😋🥢香蔥燒蟶子皇、鹽燒鮮白鱔串、明太子玉子燒蟶子皇都幾新鮮，鮮白鱔一咬落去已經有魚油標出嚟，厚肉肥美，層皮亦燒得香脆👍🏻🥢燒貴妃蚌大大隻啖啖肉😍🥢炸大八爪魚足炸得唔錯，粉漿夠薄夠脆，點埋個酸辣醬好好食。🥢炸饅頭