芝加哥串燒酒場 (太和中心)

性價比高的芝加哥串燒酒場，距離地鐵站約5分鐘，交通方便。店內播住流行歌曲氣氛好正，可以一邊聽歌，一邊望住大螢幕睇波，一邊食野飲酒傾偈，幾重享受😎串燒款式選擇多，雞牛羊豬，海鮮蔬菜都有，迎合不同客人的喜好😋雞皮墨魚滑，薄而脆的雞皮包住鮮甜的墨魚滑，集香、脆、甜的味道，一試難忘😘安格斯牛肉露筍串，牛肉的鮮味與露筍的清新結合，完美配搭😘甘濃梅酒，口感甜美而清新，酸度適中，帶有甘甜而濃郁的梅子香氣，讓人回味無窮。具有甘甜而濃郁的風味😘…さらに見る

芝加哥串燒酒場大埔店絕對係串燒控的天堂，氣氛又好，食得好開心極品即燒乳豬，皮脆肉嫩，油脂香氣撲鼻，一啖咬落去「咔嚓」聲響，真係極品之選。炭燒豬頸肉則爽彈有嚼勁，炭香濃郁，醃料滲透得剛剛好，食落唔會膩。常餐沙嗲牛串帶有港式懷舊風味，沙嗲香濃微辣，牛肉嫩滑，令人回味。風味羊肉串冇騷味，孜然香氣突出，肉質軟腍；燒新鮮魚卜外脆內爆汁，魚卜鮮甜，係少見但值得一試嘅選擇。招牌茄子燒係必點之作，茄子燒得皮脆肉滑，孜然粉同醬汁完美融合，香氣十足。鹽燒鮮淮山清甜爽口，口感煙韌；鹽燒雞皮則係邪惡代表，燒得香脆，油脂香濃，配啤酒一流。咖喱魷魚串香辣惹味，魷魚彈牙，咖喱味濃而不膩。椒鹽薄燒白鱔，鱔肉厚實爽彈，鹽香突出；味噌甲羅燒用蟹蓋盛載味噌蟹膏，香濃鮮甜，配飯一流。生燒牛舌切得厚薄適中，燒得外焦內嫩，牛味濃郁。燒明太子多士係創意之作，明太子鹹香配上酥脆多士，口感豐富；鳳梨燒酸甜開胃，燒香後果味更突出。燒黑松露帶子珍珠飯則係高級之選，黑松露香氣撲鼻，帶子鮮嫩，珍珠飯粒粒分明。廚師腸腸香濃郁，口感紮實；孜然午餐肉串鹹香惹味，煙韌有口感。香辣雞翅包飯外皮香脆，內裡糯米飯濕潤入味，層次豐富。風味燒雞腎串爽口彈牙，調味恰到好處；燒日本博多雞子細嫩多汁，雞味濃郁；阿波美雞肝串入口即化，肝香濃厚，絕對係內臟控之選。招牌燒牛骨髓香滑如奶油，配上香料更添風味。最後嘅韮菜燒、燒冬菇、燒雞泡魚乾都係蔬菜與乾貨之中嘅佳品，韮菜孜然香濃，冬菇肉厚多汁，雞泡魚乾鹹香撲鼻，完美收尾。食材、火候、創意、氣氛都交足功課，又過咗開心嘅一個晚上…さらに見る

芝加哥已經係第三次黎幫襯，好食既餐廳先會播陳完一次又一次再一次🤩環境方便同上兩次黎都係一樣，環境設計非常注重氛圍，燈光較為偏暗，好適合飲酒同埋同朋友傾偈👍🏻👍🏻而且背景音樂播住90年代既流行曲，仲可以一邊聽歌一邊食野飲酒。而且店內的裝飾亦都係好有心機，除左燈光外，亦有唔同既酒陳列品擺左係牆上邊比人欣賞🥳食物方面亦都比之前多咗好多唔同嘅選擇，多咗好多唔同嘅海鮮種類可以選擇，而且豬、牛、雞亦都比之前多咗既配搭同埋部位，所以今次黎食都可以食到之前冇食過嘅嘢種類。今次我哋叫咗炭燒豬頸肉、燒蜜汁叉燒、芝士雞髀肉串、雞翅包飯、黑糖雞髀肉串、蜜糖雞翼、明太子玉子燒、沙嗲牛串、金菇牛肉卷、安格斯牛肉蔥串、安格斯牛肉蘆筍串、 羊肉串、芝士北海道魚糕、椒鹽燒白鱔、茄子燒、白松露薯條、燒雞泡魚乾、忌廉蟹肉餅同埋兩杯cocktail，sex on the beach同Pina Colada。 雞肉串，外邊少少焦但入邊里內嫩滑多汁既；或者是多汁的牛肉串，肉質鮮嫩，彈牙十足，唔會overcook燒到好韌👍🏻👍🏻而令我覺得有驚喜既係既係明太子玉子燒。厚厚的玉子燒，裡面包裹著豐富的明太子，每一口都能品嚐到濃郁的蛋同明太子既味，香氣四溢🤩🤩🥳🥳飲品方面，Pina Colada都幾唔錯，佢股濃郁的椰子香氣和甜甜既菠蘿味道。呢杯雞尾酒的甜美口感不僅容易入口，更加適合唔鍾意酒精味道太濃嘅人🥳…さらに見る

芝加哥串燒酒場（太和）好耐無食串燒啦 呢間餐廳選擇都好多 花多眼亂，肉類、海鮮、炸物、主食類都有😆仲有個大銀幕可以睇住波食串燒我地咩都想試叫叫下勁多野😂個人最中意食黑松露薯條🍟食落脆卜卜 黑松露醬香濃 炸大爪魚足呢個次次黎親都想叫🤣炸皮薄燒上大大件彈牙既八爪魚芝士年糕中間流心勁正 外層煙煙韌韌明太子玉子燒好有蛋香 仲有明太子係上面食落咸香芝士雞髀肉串比較特別係有黑松露醬燒牛油果🥑Snow Ball易入口之選Pina Colada…さらに見る

📍芝加哥串燒酒場大埔太和路15號太和中心地下37號舖============================== 黎到大埔緊係要食啲重口味啲既野👅，呢間串燒店🍢係呢區少見，大大間幾好坐可一邊食串燒之餘又可以睇波⚽️，好有氣氛🎭！試咗唔同嘅串燒，款式有近百種咁多，連一些好特別嘅串燒都有，特別有燒蜜汁黑豚厚切香甜，燒白鱔皮好脆，厚肉滑嫩肥美可口🤭燒到勁香👅葱燒半穀扁貝又係好正，大大粒既肉配上味濃鮮味🤤而其他唔同既串燒例如雞皮墨魚滑同和牛棒都好惹味，燒茄子🍆同赏燒牛坂🐃都好正！😋 重點係呢度既酒🍸🍹🍷有好多唔同選擇，啤酒也有好多款🍻，點左黑啤同cocktail配住串燒，傾下偈同睇波好鬼正。💯 地點好近太和站行5分鐘就到好方便，三五知己來聚腳的好地方。❤️…さらに見る

又唔想食正餐，想起這間串燒酒吧。6點幾放工時間，大門已經坐滿幾枱客人，放工啤一啤的確不錯👍🏻先來半打大大隻生蠔（$288），海水味濃👍🏻朋友話呢間串燒幾有質素，特別係白鱔（$58）外皮燒得焦脆。喜歡食海鮮的我也很喜歡燒蟶子皇（$108），夠肥美。我們也有叫其他雞牛豬羊串燒，都好味😋 我覺得幾難得這間店的串燒不會是同一個味，唔會覺得口味單調😍食串燒點少得啤酒，我和朋友都鍾意佢嘅Chicago Logo beer（HH$78)，比較fruity 易入口。Mahou IPA（HH$75)就比較苦澀有酒味。每日都有不同酒的買一送一優惠，岩飲的話好抵飲。放工想坐下鬆下食下嘢傾下計的好選擇😊…さらに見る

好耐冇食串燒勁想食 🤤 所以又嚟咗呢間世一串燒店，暫時嚟講呢間串燒店仍然係我心目中嘅第一位。餐牌食物種類比起之前出咗更加多款式，而且定價亦相當合理。串燒必定叫嘅招牌食物，茄子燒到啱啱好，啖啖肉又多汁。扇貝夠大隻之餘香蒜芝士同蔥燒兩款味道都超級正 🤤 蜜汁燒黑豚肉亦都係冇得頂，估唔到肉質超嫩滑，蜜汁甜度恰到好處。今次試咗幾款之前未食過嘅食物都非常有驚喜，雞皮墨魚滑、燒扇貝、蜜汁燒黑豚重點推介，真心超級正。叫咗勁多食物埋單都只係 $900 蚊左右，性價比超高。…さらに見る

耀眼嘅LED屏幕，好正嘅音響，食物分類好清晰，全日啤酒買一送一！👉🏻香蒜芝士燒半殼扇貝鮮嫩彈牙，配濃郁嘅香蒜芝士，濃而不嗆，唔會蓋過扇貝鮮美！ 👉🏻香蔥燒聖子王肉質肥厚爽脆，調味唔會過重，突出海鮮原味！👉🏻招牌無骨白鱔啖啖肉，肉質細嫩豐腴，油脂甘香，外皮酥脆，鮮美不膩！👉🏻招牌紙鷂雞皮好薄脆，似薯片咁輕盈，微微油香！👉🏻招牌燒法國鵝肝外層微焦，油香濃郁！👉🏻招牌燒牛骨髓質地滑膩，油潤香滑！👉🏻招牌雞皮手打鮮蝦滑將手打鮮蝦滑包裹係雞皮中燒，雞皮脆香，蝦滑彈牙鮮甜！👉🏻味增甲羅燒味道濃郁鹹香，帶有蟹膏鮮美！👉🏻牛油果豚肉燒豚肉嘅油脂同牛油果嘅creamy 口感結合，清新不膩，配搭和諧！👉🏻招牌雞皮墨魚滑墨魚滑彈牙鮮美，雞皮酥脆口感，鮮香十足！👉🏻安格斯牛肉露筍串安格斯牛肉嫩滑，配清脆露筍，juicy多汁！👉🏻WHISKEY SOUR威士忌嘅醇厚配檸檬酸爽，蜂蜜增添自然甜味，唔會過甜或過烈，層次豐富！👉🏻蜂蜜鮮檸梳打酸甜清爽，蜂蜜溫和甜味，解膩又醒胃！…さらに見る

芝加哥可以話係童年回憶任同區餐廳點變佢都係原址一直默默做週末經過見到都好旺場應該算係大埔人心中嘅串燒宵夜之選以前同朋友嚟睇波都係嚟呢度嘢食質素唔錯而且人價錢相宜整體CP值都幾高食過咁多次就嚟綜合返以下兩大類推薦款必食同可返啅推薦：鹽燒牛舌心、無骨白饍、招牌牛骨髓、自家製牛肉棒燒粟米、燒翠肉瓜、一口京蔥串、牛油果豚肉燒同味噌甲羅燒以上嘅都係我每次嚟必點嘅而且朋友食過都會二、三刷特別鍾情個燒白鱔真心係外皮超脆內裏肉質爽彈牛舌芯都好嫩入口唔會乾柴雞肉棒就成日食但牛肉版本都係第一次唔錯幾有牛嘅油香！有胃口可追加：炭燒豬頸肉、羊肉串、鹽燒雞皮、雞皮墨魚滑鹽燒多春魚、燒茄子、蘆筍、淮山同燒菠蘿等以上係可以留quota 食因為味道都係唔錯特別係個燒豬頸肉真係好入味又唔會好油膩不過胃口有限就可以留下round 追加但未必係must…さらに見る

夏日熱辣辣最岩就飲返杯冰凍啤酒降降溫，「芝加哥串燒」做緊全日生啤買一送一🥶仲要有大銀幕可以三五知己Chill住咁睇波飲酒食串燒😍仲要超過過百款既食物比你簡，串燒、主食、小食都任你揀🍢串燒和牛胸爽 $26少有地方會有牛呢個部分，油脂控制做得好，做到口感爽而且唔乾🫕芝士雞髀肉串 $19能保持肉汁，肉質較嫩滑，芝士熱溶鋪在雞肉上🦑招牌雞皮墨魚滑 $33將雞皮烤至脆皮再包住墨魚滑🐷荔枝豚肉卷 $25豚肉包住清甜的荔枝肉一齊燒，荔枝甜味仍存在，豚肉同荔枝都幾夾👅鹽燒牛舌心 $33中厚切舌心爽口彈牙，食落仲有濃烈牛既味道🐠燒新鮮魚卜 $2特別在連烤魚卜都有，唔會烤到好乾身，口感非常爽口🍹Cocktails Pineapple mojito $89Snow ball $83📍 芝加哥串燒酒場 (太和)🗺️ 太和大埔太和路15號太和中心地下37號舖…さらに見る

迄立大埔多年嘅芝加哥記得以前做嘢初出芧蔖Happy Friday 返到大埔約朋友就喺嚟芝加哥同區而言食串燒睇波同傾計飲嘢都出晒名不過搬離開後就較少串門今次約返成班大埔舊同學食飯再嚟串門感覺好唔同餐牌選擇多咗好多串燒都與時並進多咗好多款成張串燒剔剔紙睇到我眼花例牌必點有雞軟骨、牛舌心、白饍、雞翼同豬頸肉等另多仲有招牌嘅燒牛骨髓同埋自家製牛肉棒都好好食！一埋人可以叫埋燒生蠔鹽燒，蒜蓉等四種燒法任君選擇另外要一讚佢嘅燒蔬菜都做得好juicy例如燒茄子、粟米、蘆筍、翠肉瓜同雞脾菇等較特別嘅係第一次食到燒降火龜苓膏成個texture有啲咬口甜甜哋微微苦又幾好食放最後同燒菠蘿一齊食係完美嘅ending …さらに見る

串燒講求細火慢烤，呢度嘅出品完全符合這一點，每一串燒烤都精心雕琢，口感細膩，擺盤也十分講究，視覺與味覺的雙重享受。啤酒更是吸引人嘅是買一送一😍，真係唔飲多歌杯都唔得😂啤酒+串燒真係絕配之選🍢🍻風味燒雞腎串更加食到停唔到口，呢味非常考驗火候掌控，口感嫩滑之餘又充滿燒烤特有的層次感🤤這間酒場不單係食串燒嘅好地方，更似一個聚會與放鬆嘅好選擇，適合與好友飲酒淡心的地方，值得再嚟幫親👍🏼👍🏼👍🏼…さらに見る

這間隱藏在太和中心舊區的小型串燒酒場，可能都係做街坊生意，一入鋪就有個特別嘅人情味，雖然好明顯有好多熟客，但員工對我哋新客都非常客氣，好祥細介紹有咩好食？😋店內雖然沒有K歌設備，但這裡的氛圍絕不單調，播放的音樂岩曬我嘅年代😂仲有足球賽事，賽馬及六合彩轉播，讓人飲酒食串燒之餘，可以輕鬆聽吓歌及睇下精彩賽事。最令人驚嘆嘅係燒茄子🍆，外皮微微焦香，內裡綿密軟滑，加上香蒜及調味料的精彩配搭，帶出茄子濃郁的茄香。香蒜燒鮮鮑魚除左新鮮之外，烤嘅時間亦拿捏得好好，令出品入口彈牙，又唔會太煙靭，讓人回味無窮。燒鳳梨也非常驚喜，鳳梨面燒到小小焦，入口多汁而保持溫度，甜酸交集，但恰到好處。…さらに見る

餐廳有多款特色串燒及小食提供多種酒精飲品 營業至凌晨時份適合與朋友吃串燒把酒聊天 ⍢蝦多士蝦多士炸得金黃 入口滿滿蝦肉 有驚喜 必點雞軟骨炸得香口 脆卜卜份量亦很多 佐酒必叫的小食這次點了很多串燒一次過擺盤呈上頗震撼整體都燒得不錯 推薦以下幾款香蒜燒生蠔生蠔新鮮飽滿 帶有濃郁蒜香味招牌茄子燒燒得剛好 入口滑嫩招牌紙鶴雞皮沒試過這麼薄的雞皮入口卜卜脆 香口惹味芝士北海道魚糕魚糕柔軟 芝士味很重喜歡吃芝士的必點燒黑松露帶子帶子大顆新鮮 燒得剛好配上淡淡黑松露 很香招牌無骨白鱔白鱔燒得外脆內嫩無骨更方便進食 大大啖魚肉⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐芝加哥串燒酒場📍太和大埔太和路15號太和中心地下37號舖…さらに見る

位於大埔的芝加哥串燒酒場，無疑是喜愛燒烤和串燒的食客們必來的地方。招牌無骨白鱔白鱔肉質鮮嫩，經過精心燒烤後，外皮微微焦脆，搭配特製的醬汁，讓每一口都充滿了濃郁的風味，令人回味無窮。粟米燒烤至金黃，外焦內嫩，散發著淡淡的甜香。每一口都讓人感受到玉米的鮮甜，搭配上特製的香料，更是讓人驚喜。鹽燒雞軟骨 風味燒雞腎串鹽燒雞軟骨的口感酥脆，鹽味恰到好處，讓人一口接一口，根本停不下來。而風味燒雞腎串則是另一種風味，雞腎的鮮美與燒烤的香氣相得益彰，讓人感受到不同的口感層次。鹽燒雞翼外皮金黃酥脆，肉質鮮嫩，搭配上特製的醬汁，讓人一試成主顧。而沙爹牛串則是另一種風味，牛肉的鮮美與沙爹醬的香辣相互融合，讓人感受到濃厚的東南亞風情。椒鹽肥牛的肉質鮮嫩，搭配上香脆的椒鹽，讓人感受到肉的鮮美與香脆的完美結合。而金菇牛肉卷則是另一種驚喜，牛肉包裹著新鮮的金菇，口感滑順。煙燻和牛牛舌的口感獨特，煙燻的香氣與牛舌的鮮美相得益彰，讓人感受到不同的風味。而炭燒鴨胸則是另一種驚喜，鴨胸肉質鮮嫩，外皮微脆。另外，香辣雞翅包飯、燒土匪雞翼、一口和牛串、燒汁極品牛頭脊、自家制和牛棒、香蔥燒聖子皇同樣十分出色，會再次光臨。…さらに見る