OX Steak Lounge

營業中

休息中

同朋友慶祝生日，佢係食肉獸，咁一於食好啲，揀左呢間扒房。雖然有少少遠，但估唔到咁有驚喜，值得一試。我哋叫左兩個唔同set，一個set dinner 同testing menu，咁可以試多啲唔同既嘢。前菜有三文魚子配原隻磯煮鮑魚沙律、生牛肉他他。鮑魚好鮮甜。生牛肉他他加埋鵪鶉蛋，好嫩滑，再配埋蕃茄洋蔥調味，好開胃。仲有個龍蝦湯，鮮味十足。值得提嘅，係佢個牛骨髓牛油鹹鹹香香，好特別，我都係第一次食。主菜有黑松露鵝肝威靈頓牛柳、烤龍蝦尾意粉配龍蝦蝦汁。威靈頓牛柳，真係冇得頂，賣相非常吸引。牛柳勁嫩滑，黑松露同鵝肝融合埋一齊，酥皮非常鬆脆，口感非常豐富，味道冇得彈。相對上龍蝦汁意粉就比較遜色，但係都一樣好食，龍蝦肉好彈牙，意粉掛滿咗龍蝦汁。甜品叫咗個心太軟，見到個朱古力汁流出嚟嗰下，真係好療癒。整體嚟講非常高質，一定會再encore。