滑嘟嘟

營業中

休息中

入大埔一定要去人氣糯米糍小店滑嘟嘟，係大埔墟熟食中心，見到好多人排隊等候個間就係🤣首先要問店員攞飛先，號碼到先再落單，除左人氣客家糍粑之外，仲有合桃糊、芝麻糊、芒果小丸子等等待過程可以見到老闆娘靈活雙手好快就包完一粒糯米糍，粒粒都即叫即包☺️我見好多客人至少都買幾粒試客家糍粑 $18因為真係太多人光顧，等左近30分鐘終於有得食🙈糯米糍皮好薄，隱約可以見到黑芝麻餡，粒粒都脹卜卜，食既時候要小心，因為真係會爆餡🤤煙韌有彈性外皮包住黑芝麻、花生同糖，黑芝麻幾香，又有花生碎粒口感，同埋整體唔會好甜，食多一個都唔會覺得好膩🥰