大日子酒家

營業中

休息中

在經歷了『稻香』的不太愉快事件之後來到大埔，大埔嘅朋友仔話帶我飲茶，忘記唔開心事件，繼續向前看。而今次朋友仔帶我來嘅係地處運頭街18號嘅『大日子酒家』，一來到，原來都幾大間同埋好多人飲茶喎，好彩等咗一陣就有位坐，仲要係窗口位，開心吖。由於得2個人，因此見到個大拼盤每樣都係2件，total有12件，慳番諗嘢時間，就點咗呢個，入邊有蝦餃，燒賣，鮮蝦菜苗餃，鲜蝦素翅餃，麻蓉飽同埋紅枣糕，蝦餃皮晶瑩通透，入面的蝦亦彈牙好味，紅枣糕食落煙煙韌韌又養顏，再加埋個小食『牛展拼海蜇』已經係好满足的一餐，事關朋友鍾意牛展的口感而我喜歡海蜇的爽口。