Dough Kitchen

營業中

休息中

打過幾次book即日dinner都full, 終於今日book到位。去到餐廳都係坐滿人，餐廳裝修簡約配柔和黃光，環境舒服。餐廳係主打手工意粉，好多枱都有叫招牌海膽意粉。不過由於個日想試埋個risotto，所以試左第二款pasta。北海道魷魚配莎莎 $118魷魚既份量都算多，配蕃茄粒加黑醋，酸酸甜甜幾開胃。白松露野生大蘑菇 巴拿馬火腿意大利飯 $178意大利飯煮得偏硬，野菌味道較濃香，遮蓋左白松露既柔香。 可能直接將白松露切片放面會較好。澳洲和牛面頰肉扁麵 $228和牛面頰炆得好嫩同軟腍，手工tagliatelle 配合番茄醬汁煮，一啲都唔會太乾身之餘，麵既質感都保留到彈性。不過味道方面較為單一 只可以話正常發揮。