睿居酒屋 (已結業)

以前年年都會去日本，宜家都開放左準備可以去日本玩喇，未出發之前搵返啲正既日本菜食，今次黎到呢間睿居酒屋，雖然唔係住大坑，但都特登過黎食。佢裝修好別緻，深入咗好多日本文化嘅元素，餐廳外面都係用木搭建，真係好有日本風味，而且佢話位於住宅入面，附近都好寧靜。我哋今晚點咗好多唔同小食，前菜有辣味螺，係凍食，好適合送酒。日本菜點少得刺身，推薦牡丹蝦，非常大隻，蝦肉飽滿，蝦頭仲有好甜既膏，非常鮮味。另外仲推薦銀雪魚，個皮煎得好脆，啲肉入口即化。