M3 Italian (已結業)

今日嚟大圍呢邊食一間意大利菜，門口招牌好搶眼，入到去見到好多聖誕節裝飾，佈置好有氣氛～自家製麵包配油醋汁呢個麵包外皮少少脆，內裏口感鬆軟暖笠笠，有亞麻籽香味，配上油醋汁好開胃🥗 M3沙律 $168呢款係招牌沙律，新鮮沙律菜上面放咗雞胸，煙三文魚，Parma ham，仲有菠蘿同金橘等水果～ 有三款醬汁任君選擇：甜醋，沙律醬，胡麻醬，酸甜開胃～🐽傳統西班牙燒乳豬 $288同中式乳豬唔同，西班牙燒乳豬燒到外皮香脆，裏面肉質細嫩，一啲都唔油膩，入口肉香味濃，配上特製醬汁同薯菜好惹味～🍤🍝香辣蒜片大蝦手製意大利粉 $178手工意粉果然不同，每日新鮮製作，口感煙韌彈牙，大蝦新鮮爽口彈牙，配上辣椒🌶蒜片🧄同橄欖油非常惹味～整體食物質素正宗高質；服務員態度殷勤，會主動介紹菜式，收拾枱面同更換餐具。