好湯好麵

營業中

休息中

嚟到大圍一定會知道嘅一間麵店———好湯好麵之前食開都係食海龍王湯，今次一於轉轉新口味試吓呢個豬潤湯。同香港某間好出名嘅X記豬潤唔同，湯底唔會有白色泡。而且湯底有輕輕嘅薑味可以辟腥。豬潤煮到剛剛好，雖然未到入口即溶，但粉嫩嘅口感令人一試難忘。而且厚度適中，口感可以話係吹彈可破。麵底唔係一般嘅陽春面，相信係老闆特登挑選過，有時候覺得呢啲中式嘅面比日式拉麵更加好食。我每次幫襯都一定會將碗底反轉。厂分推薦！