川味雞烤魚大王 (隆亨商場) (已結業)

➰琴晚收工去大圍交收唔知食咩好 行行吓見到隆亨邨有雞煲烤魚食 而且餐廳入面都好多人食 所以入去試一試🤓🤓➰餐廳除咗雞煲烤魚🐔🐠之外 仲有湯米線同紅薯粉選擇🍜今次就揀咗藥膳雞煲滋補一下☺️➰藥膳雞煲我哋兩個人食揀咗半隻雞$188 個煲一嚟到已經好香藥材味🤤餐廳哥哥好好會幫我哋處理好晒隻雞 水滾之後放雞落去滾2至3分鐘較細火隔一陣就食得啦 所以雞會保持好嫩滑 😋🌟➰火鍋配料叫咗金牌手打墨魚滑 特級雪花肥牛🐮黑毛豬肉片🐷竹笙 自家製韭菜餃 香濃黑松露餃🥟牛柏葉 闊薯粉 我10分推介大家必點墨魚滑同埋闊薯粉 配料吸晒湯底濃郁嘅藥膳雞湯非常之好味 淨係飲湯都飲咗好多碗🥰🥰🫶🏻➰小食叫咗涼拌海蜇小辣🌶個麻辣汁好香麻油味 而且裏邊仲有青瓜絲 非常之好味嘅開胃菜👍🏻✨✨值得一讚嘅係餐廳午市開始已經有烤魚火鍋提供 唔需要等到晚市先有 👏🏻👏🏻❤️