河內越式料理 (村南道)

營業中

休息中

大圍呢間河內一向幾好生意，我自己都成日嚟幫襯，皆因佢價錢實惠，職員做嘢爽手，食物質素亦都唔錯。🥢軟殼蟹撈檬軟殼蟹炸得酥脆，撈檬上面有青瓜絲、蘿蔔絲、花生，再加埋啲酸酸地嘅撈檬汁，口感豐富，非常開胃。🥢極品牛三寶湯河三寶有生牛肉、牛展同牛丸，湯底牛骨味濃郁，而且夠曬熱焫焫，令生牛肉浸到半生熟嘅狀態，口感軟嫩。🥢越式香茅豬扒（細）跟餐加$25，肉質鬆軟，香茅惹味👍🏻🥢越式豬頸肉（細）跟餐加$33，豬頸肉肥瘦均稱，點埋酸辣醬食，香口😋🥢牛油果沙冰推薦必點！口感綿滑，一飲就知真材實料，牛油果濃到化不開！🥢椰青食越菜嘅最佳拍檔😆