河內越式料理 (村南道)

營業中

休息中

今日去仁安探朋友，夜晚經過河內越式呢間鋪頭，又係偷懶唔煮，簡單食埋先回家。我哋嗌咗兩個主食，兩個小食，分別有極品牛三寶湯河粉同河內越式三寶飯，越式炸蝦餅同香茅雞翼。河粉湯頭清甜，牛味濃郁加上青檸同辣椒更有風味。牛𦟌厚切入味，牛丸咬落有汁，牛肉半生熟都好淋身。河內越式三寶飯，配有炸得香口嘅雞翼、軟嫩惹味嘅豬扒、同埋風味扎肉。蝦餅熱辣辣，新鮮製作脆卜卜，爽口彈牙，點上酸梅醬非常合味，香茅雞翼非常惹味，真係食不停口。飲品嗌杯凍鮮芒果西米露，入口芒香清甜，加上西米好有口感。熱蜜糖柑桔，甜咗少少，但好解油膩。