捌哥‧馬拉籽 (已結業)

今晚同朋友去咗「捌哥 馬拉籽」食下肉骨茶同喇沙。細滲肉骨茶砂煲一打開，藥材香氣撲鼻而來。豬手、豬肚、雞腳、五花腩，金菇菜同埋豆卜，煮得淋而不爛，湯底濃郁，唔錯。老鼠粉豬腩肉肥瘦均勻，有魚片，肉碎添咗好多層次，粉條煙韌，好味。娘惹喇沙蝦肉鮮甜，豆卜吸滿湯汁，配上洋蔥同青瓜絲，口感豐富，湯底有椰汁香味再加少少辣，好惹味。我揀咗油麵加米粉，辣味適中，好醒胃。鮮牛油咖央多士外脆內軟，牛油同咖央醬完美融合，甜而不膩。咖喱雞撈麵咖喱辣得刺激，油麵吸滿咖喱汁，爽。茶啡滲唔會太甜，幾好飲。