影片
更多
2023-03-31
38 瀏覽
新興文青聖地大南街除咗cafe林立之外仲有好多好chill嘅酒吧同餐廳㗎🍻 鍾意飲啤酒嘅朋友就帶咗我去呢間專做手工啤酒同有魔術表演嘅HANDS - Craft Beer & Magic度飲返杯🪄🌃 環境 (4.5/5)HANDS位於喺大南街，由太子站出行2分鐘就到，夠晒方便👍🏻 酒吧有室內同門口嘅半露天位置，依家天氣涼涼哋坐喺出面嘆杯啤酒夠晒寫意🍺一入門口我就比朵玻璃罩內嘅玫瑰擺設吸引住🌹🥰 佢哋另外都會擺啲貓貓擺設喺枱面，好有心思❤️ 酒吧時唔時都會有魔術表演，幾特別，不過我去嘅個日無show睇🧙♂️ 酒吧幾有英倫風，深木色設計加上高書櫃圖案嘅牆身，好有格調🪵 😋 食物/ 酒水 (4/5)🍗 脆炸蜜味啤酒單骨雞翼 $88🍔 軟殼蟹牛油果芝麻醬漢堡 $138🍝 黑松露鳳尾蝦忌廉扁意粉 $138🍺 Beer Platter 200ml x4 $1889. Breer - Breer Pale Ale6. 3Ravens - Juicy IPA7. NUGLY - Jumbo Sour5. Black Kite - Don't Feed the Boar Beet Bitter飲啤酒就一定唔
🌃 環境 (4.5/5)
HANDS位於喺大南街，由太子站出行2分鐘就到，夠晒方便👍🏻 酒吧有室內同門口嘅半露天位置，依家天氣涼涼哋坐喺出面嘆杯啤酒夠晒寫意🍺
一入門口我就比朵玻璃罩內嘅玫瑰擺設吸引住🌹🥰 佢哋另外都會擺啲貓貓擺設喺枱面，好有心思❤️ 酒吧時唔時都會有魔術表演，幾特別，不過我去嘅個日無show睇🧙♂️ 酒吧幾有英倫風，深木色設計加上高書櫃圖案嘅牆身，好有格調🪵
😋 食物/ 酒水 (4/5)
🍗 脆炸蜜味啤酒單骨雞翼 $88
🍔 軟殼蟹牛油果芝麻醬漢堡 $138
🍝 黑松露鳳尾蝦忌廉扁意粉 $138
🍺 Beer Platter 200ml x4 $188
9. Breer - Breer Pale Ale
6. 3Ravens - Juicy IPA
7. NUGLY - Jumbo Sour
5. Black Kite - Don't Feed the Boar Beet Bitter
飲啤酒就一定唔少得餸酒小食😋 推薦大家嗌佢地嘅招牌脆炸蜜味啤酒單骨雞翼🍗 雞翼用咗啤酒同蜜糖醃製，比一般雞翼甜，餸酒一流👍🏻 炸粉薄薄一層炸到外脆內嫩，單骨雞翼夠晒方便🦴
軟殼蟹牛油果芝麻醬漢堡都係signature之一🥑 Burger超大個好足料，成隻軟殼蟹舖喺面比你打卡🦀️ 軟殼蟹下面喺牛油果，生菜同埋青瓜，一啖唔會食得晒，多餡到要切件食🍔
另外仲嗌咗個黑松露鳳尾蝦忌廉扁意粉🍝 擺盤好精緻，意粉卷成長條狀然後喺上面放上鳳尾蝦🦐 蝦肉大隻又夠彈牙，意粉夠晒creamy，松露味香得黎唔會太搶，調味幾balanced～
酒吧員工知我第一次黎，就推薦我飲beer platter🍺 一個platter有4款200ml嘅啤酒，咩都可以試吓😚 員工話HANDS嘅手工啤酒menu每星期都會轉，會因應季節同時令去入啲適合嘅啤酒👍🏻
Beer platter嘅4款啤酒由淡至濃🍻 首先係白麵包pale ale，麥味偏light身又甜甜哋，好易入口🍞 我平時麻麻IPA，覺得太過苦澀～ 不過呢隻Juicy IPA又唔會太苦太嗆，可以接受😗
第三款係台灣酸啤，個人覺得有啲菠蘿同熱帶水果嘅酸味，好開胃解膩🍍 最後係黑啤，比起傳統黑啤淡身，女仔唔洗驚飲唔到😆
個人覺得今次個platter偏light同淡身🍺 如果鍾意重口味嘅人可以同員工講返自己嘅preference，佢地會因應你嘅口味推薦～ 員工話依家正值春夏，所以都會source返啲清新啲嘅酒，配合天氣同季節，好細心🌞
💰 價錢 (4/5)
Average price $300/pp
HANDS除咗提供手工啤酒之外仲會盡量喺cocktail同食物上使用本地嘅原材料，支持本地產業💛 酒水高質之餘食物一啲都唔馬虎，而且價錢相宜，值得支持🤩
張貼
