影片
更多
2022-11-27
11 瀏覽
今晚同朋友想食泰國菜，經過瓊華中心決定上16樓試吓呢間，大部份座位都係梳化位，坐得舒服唔會迫。另外，點餐用QR code自己點非常方便。餐牌有幾十種選擇花多眼亂，仲有 shake shake海鮮袋，最後我哋決定要泰菜二人套餐，$468包小食、串燒、主菜、甜品同飲品，唔使諗太耐。明爐椰汁雞湯有熱爐熱住飲，食到一半先飲都仲係咁熱，椰汁濃郁，內有大量雞肉及香菇，飲落口香滑清新。青木瓜沙律沙律上枱時真係嚇親我，份量超多，大量木瓜絲及蘿蔔絲，再配埋甜甜酸酸嘅醬汁，做餐前小食好開胃。泰式沙嗲（4串）可以揀雞牛豬，我哋揀咗雞肉及牛肉，每串肉量都非常之大，配埋自家製沙嗲醬，提升左沙嗲串嘅層次。紅咖喱牛肉紅咖喱汁唔會太水，少少辣，牛肉嫩滑，份量亦多，鍾意食咖喱嘅朋友，唔可以錯過，我哋另外再加左一個白飯，送飯一流。泰式鮮蝦炒金邊粉（+$28）金邊粉分量超多，材料有芽菜、炒蛋及鮮蝦，配上青檸汁去食，清新又滿足。泰式炒雜菜雜菜用咗幾種唔同嘅菜去炒，再配上佢自家製嘅醬汁，香口又野味，有菜又有肉，咁樣食落去會舒服好多。我哋另外多點了1份香酥薄餅$58，薄餅香脆煙韌，用嚟包住紅咖喱牛肉食又得，點咖喱汁或者就咁食亦得
餐牌有幾十種選擇花多眼亂，仲有 shake shake海鮮袋，最後我哋決定要泰菜二人套餐，$468包小食、串燒、主菜、甜品同飲品，唔使諗太耐。
明爐椰汁雞湯
有熱爐熱住飲，食到一半先飲都仲係咁熱，椰汁濃郁，內有大量雞肉及香菇，飲落口香滑清新。
青木瓜沙律
沙律上枱時真係嚇親我，份量超多，大量木瓜絲及蘿蔔絲，再配埋甜甜酸酸嘅醬汁，做餐前小食好開胃。
泰式沙嗲（4串）
可以揀雞牛豬，我哋揀咗雞肉及牛肉，每串肉量都非常之大，配埋自家製沙嗲醬，提升左沙嗲串嘅層次。
紅咖喱牛肉
紅咖喱汁唔會太水，少少辣，牛肉嫩滑，份量亦多，鍾意食咖喱嘅朋友，唔可以錯過，我哋另外再加左一個白飯，送飯一流。
泰式鮮蝦炒金邊粉（+$28）
金邊粉分量超多，材料有芽菜、炒蛋及鮮蝦，配上青檸汁去食，清新又滿足。
泰式炒雜菜
雜菜用咗幾種唔同嘅菜去炒，再配上佢自家製嘅醬汁，香口又野味，有菜又有肉，咁樣食落去會舒服好多。
我哋另外多點了1份香酥薄餅$58，薄餅香脆煙韌，用嚟包住紅咖喱牛肉食又得，點咖喱汁或者就咁食亦得。
飲品方面，我點了蜂蜜龍眼蘆薈特飲（+$24），特別點了少甜少冰，龍眼清甜，蘆薈爽口，配上梳打水，感覺清新。
朋友點了蜂蜜香茅茶（+$24）
上枱已經跟埋一個靚靚嘅茶壺，飲一啖清新回甘嘅香茅茶，感覺有如置身喺泰國酒店，回憶緊某酒店嘅Welcome drink，短暫嘅度假回憶感覺返晒嚟。
甜品方面，點少得芒果糯米飯（+$28）
滿滿嘅椰汁配上暖暖嘅糯米飯，加埋甜甜嘅芒果🥭，為呢餐作了一個完美嘅句號。
總括而言，呢餐泰菜食得舒服又夠飽，員工都十分友善有禮，星期四晚上都坐滿人，建議可以預先book定位，實在是朋友相聚食好嘢嘅好選擇。
張貼
