真台客

營業中

休息中

除夕夜仲有晚市堂食個陣黎左真台客食，八點幾鐘黎到都全店滿座，店員叫我地有位就自己坐。坐低後就睇下餐牌，順便出去斟杯水，咦，原來個水壺入面係羅漢果茶，甜甜地幾好飲呀。叫左一份玉米蛋餅，粟米好多，個蛋餅綿綿地有咬口，幾好食呀。自己叫左呢個滷排骨便當，豬扒好大塊，滷得入味。朋友叫的鹽酥雞便當用台灣形嘅碟上，個飯都係台灣形狀，哈哈，幾得意。鹽酥雞香口，份量仲好多添，個人覺得可以鹹多少少。叫飯餐可以用優惠價換飲品，叫左黑糖珍珠鮮奶同白桃烏冬，朋友話佢杯珍奶好甜，但黑糖好難唔甜㗎喎…自己杯白桃幾香，有桃香個茶底又正，微甜啱口味。價錢唔貴份量大，抵食呀。