真台客

一入去侍應已經同我哋講：冬瓜茶同湯可以免費任飲嫁。我哋叫咗個真台客牛肉麵小辣加沙茶醬是免費湯底味道唔錯，就算加咗沙茶醬食完都唔會口乾！牛肉好大嚿，夠淋。個台灣麵都夠彈牙糖心蛋同皮蛋都係追加小食皮蛋個心軟度做得好好真台客大雞排配炸醬乾拌麵加糖心蛋 同蚵仔雞排超大塊外脆內軟，上面有少少辣粉，好香口。乾拌麵都係有口感彈牙！追加蚵仔上邊有啲醬，唔會太寡飲品叫咗冬瓜茶鮮奶不過本店有任飲冬瓜茶，只係小編心繫冬瓜茶心個湯好清有蛋花同埋紫菜，我飲咗兩碗…查看更多

由於店舖不近大街，路痴既我比較難找，如午市時間建議就要早少少到搵位，午餐時間比較人多啲。台灣美食當然想試一下牛肉麵啦…味道尚可唔係特別好食，牛肉也淋的而咬。店內亦有免費冬瓜茶（但本人對冬瓜茶一般，所以無飲）其實亦可以加購其他凍飲有不同選擇，雖然加購是有優惠但整體本人就覺得偏貴。 再見到周邊人都叫鹽酥豬扒或雞扒份量都幾大，應該係最多人食既食物，相信好多人都為佢而來，下次都要試一試，細食既朋友建議 share食。 …查看更多

呢間鋪我真係對佢又愛又恨😆，愛係因為佢門口對出就有標位，泊車好方便👍；恨就係……標位永遠無位😒！所以都唔算成日嚟食，今次再食先勾回之前啲回憶，佢哋份量真係好大呀😍！好少係呢個價錢可以份量有咁大。首先講下環境先，店鋪唔算大，內有十幾張台；裝修就好有台灣感覺，台都唔算細張，就算帶小朋友亦十分OK。😋邪惡套餐 ($60) :呢個套餐真係好邪惡呀! $60呢個價真係太邪惡啦！$60係包括有真台客大雞排，呢塊雞扒同某台式炸雞扒店的大小差唔多，人哋賣一塊都要$40。雞扒嘅台式味道雖然唔重，但仍然可以做到外脆內軟。+一碗唔算細碗的滷肉飯 (飽同趕時間無食到, 外賣返屋企都夠2個小朋友食)+ 一杯黑糖珍珠鮮奶，呢杯飲品單叫都要$28，所以呢個餐你話幾抵呢😎!😋真台客牛肉麵 ($60) +百香果綠茶 ($10)因為唔算太餓，所以只叫咗個麵，佢有個8周年$88套餐都好似好豐富咁。湯底味道唔錯，食完都唔會口乾；牛肉都夠淋，麵就係比較彈牙嘅台灣麵。而飲品呢，個名我唔太記得啦，只係記得比佢嘅容量嚇親，真係超!級!大!杯! 呀😆，呢$10真係加得值。(其實店內都有免費冬瓜茶任飲)😋秘制雞脾+湯麵因為經APP落單，又係當日優惠款，所以就試左。(不過個名同價錢我就……唔太記得啦~) 雞脾又係份量十足而且嫩滑，配埋個惹味醬汁，小朋友都鐘意。而個麵就比較偏淋咗少少。雖然呢間小店味道上唔算驚人，但呢個份量呢個價錢，真係性價比爆燈呀👍!!!!以上為menu : …查看更多

好耐冇食過, 以前成日去食, 不過原來荃灣分店執咗, 後來發現元朗仲有, 終於再食到. 😎以前最鐘意食大雞扒同鹽酥雞, 所以今次又食鹽酥雞便當. 😄鹽酥雞依然好脆, 啲皮唔厚, 雞肉又嫰, 份量亦好多, 食完好飽好滿足. 蜂蜜綠茶亦大大杯, 味道唔錯, 下次可以再黎食.😛😛舖頭外牆內店內佈置都好靚好台灣,店舖亦提供冬瓜茶給食客自助添飲,好少仲有食店可以時大方, 值得一讚👍🏻下一次要試下佢地個牛肉麵先.😛😛😛😛…查看更多

👍🏻滷肉好好味，可能多肥肉關係，入口即化非常香，醬汁非常適合餸飯。蚵仔灑咗啲胡椒粉喺面，都食到蠔仔味嘅偏淡咁。另外有啲蠔殼碎冇洗乾淨。👍🏻蘿蔔生菜，煮得啱啱好，不太硬不太淋，食到蘿蔔清甜，好健康。👍🏻滷水蛋，滷過有滷水香好入味。榨菜，酸甜爽口。飯，都係煮得啱啱好。總結：推介指數⭐️⭐️⭐️⭐️喺香港食到台灣口味便當，56蚊黎講咁多款餸都幾抵食，口味偏日常住家飯，適合平時肚餓醫下肚仔咁。…查看更多

元朗嘅台灣麵我就最鐘意食～真台客今日十二點幾去到侍應出嚟話今日比較忙要等一等大概等咗十分鐘左右入到去見到只得一個侍應工作廚房都係得一人啲枱都坐得幾密坐低即刻點咗個一人餐加小食紅燒牛肉麵真係好好食肉鬆皮蛋豆腐就普通咗少少蔥抓餅都幾好食…查看更多

走進呢間店，一陣台灣小吃既香味就撲鼻而來。我第一樣就點咗個「魚酥蚵仔麵線」，真係每啖都好入味，蚵仔肥滋滋嘅，魚酥嘅脆口感👌加埋麵線嘅滑順，真心覺得夠晒勁！再試吓個「真台客牛肉麵」，齋聞都夠晒香，湯底有咗老火煲得嘅家鄉味，牛肉都腍得黎，咬落去汁都爆出嚟🤤。至於個「台味甜不辣」，咬一口嘅時候，外皮嘅Q彈口感，夠晒「彈牙」，撈埋旁邊個甜醬，丁點辣味令人意猶未盡。食住食住，差啲忘記自己系香港🇭🇰唔系喺台灣夜市呀。總括嚟講，呢度嘅小吃實在係做足咗地道台式風味，仲帶有少少街邊攤檔嘅粗獷美。下次有機會，我絕對會再嚟光顧，同朋友分享下呢個隱藏喺市區嘅台味小食天堂！😊🍜👍…查看更多

我係外送🚴🏼，叫左個總匯蛋餅🥚$58、香腸滷肉飯🍱$58，蛋餅好食，但係個香腸滷肉飯🍱真係少得好可憐，我之前都叫過外送🚴🏼都唔係甘少的，堂食同外賣分別甘大嗎？…查看更多

今日黎到元朗既真台客食台灣菜，叫左一份牛肉麵、菜、鹽酥雞。牛肉麵湯底唔太特別，冇乜藥材既香味。麵質唔錯，配到一個好既湯底會更好。鹽酥雞唔太入味，有d失望。地方算闊落，職員冇乜招呼。…查看更多

今日同朋友去元朗台灣餐廳食，每一份食物都充滿着台灣嘅風味😋😋💕仲可以免費飲冬瓜茶🫶🏻 ▪單人套餐$88 雞肉飯配滷蛋香腸（套）＋花枝丸燙青菜（套）古坑咖啡珍珠(冰）▪古早味麻油雞湯$68 配滷肉飯（+HK$8)📍地址: 元朗仁樂坊5號利發大廈地下G及F號舖食物：🌕🌕🌕🌗🌑價錢： 🌕🌕🌕🌖🌑回頭指數 ：🌕🌕🌕🌗🌑…查看更多

疫情前我非常喜歡台灣旅行 因為語言溝通得方便 夜市又多嘢玩 最特別嘅係台灣美食非常多 所以每一次過去玩都肥幾磅 但這幾年疫情關係過不到去 非常想念台灣 所以今次就嚟試一試台式美食 除了自小就喜愛吃的滷肉飯之外 當然也要點蚵仔麵線 先講講魯肉飯 味道適中 當然跟台灣地道比起來當然沒得比 但我覺得 中規中矩合格吧 再來是這個阿蚵仔麵線 到時那一句跟台灣正宗的不可能比較 蛋 這裏的蚵仔麵線就真的不差 加上這裏價錢適中 服務員友善 所以這次感覺還不錯…查看更多

呢間台式餐廳第一次食係帶我屋企人嚟食，因為第一次嚟食唔知有乜嘢好食，所以當時問咗店員有乜嘢好推介，店員都好細心推介食物比我哋。之後幾次都係同朋友嚟食，之前上網間中都有見過話服務態度差，但慶幸我幾次都冇預到咁樣嘅情況，樓面嘅妹妹都有細心解答我嘅問題（我諗可能轉咗人掛）。今次自己一個嚟食咗牛肉麵同蛋餅加杯嘢飲，杯嘢飲都只係加十蚊,嘢食同飲品我覺得味道依舊冇乜大改變都係好味道（個人覺得），我有聽到店員喺度講話生意差，都唔知舖頭做唔做到落去。其實好多小店因為疫情好多都消失咗，我希望呢間小店可以撐到落去，我亦會繼續支持幫襯，希望你哋捱到落去。…查看更多

呢間台式餐廳第一次食係帶我屋企人嚟食，因為第一次嚟食唔知有乜嘢好食，所以當時問咗店員有乜嘢好推介，店員都好細心推介食物比我地，之後幾次都係同朋友嚟食，上網睇間中都有見過話服務態度差，但慶幸我幾次都冇預到咁樣嘅問題，樓面嘅妹妹都有細心解答我嘅問題。（我諗可能轉咗人掛。）今次自己一個嚟食咗牛肉麵同蛋餅加杯嘢飲，杯嘢飲都係加十蚊，嘢食同飲品我覺得味道依舊冇乜大改變都係好味道（個人覺得），我有聽到店員喺度講話生意差，都唔知鋪頭做唔做到落去。其實好多小店因為疫情好多都消失咗，我希望呢間小店可以撐到落去，我亦會繼續支持幫襯，希望你哋捱到落去。…查看更多

🧑🏻‍🍳 裝修到食物都有一種去咗台灣嘅感覺，重點係好抵食，之前已經食過幾次，可惜佢而家嘅質素差咗啲🥲—————————————————————🍴 真台客牛肉麵 ($66) 好抵食，麵條係比較粗，同煙韌嘅，一碗入面好多牛肉，個湯底好濃郁，係喺台灣食到嘅味道😋😋 美味指數: 7/10—————————————————————🍴 魯肉飯 ($32) 都係勁抵食😍，魯肉好多，魯肉肥瘦啱啱好，偏肥嘅，加埋魯肉汁，撈飯一流，仲有蚵仔喺上面，必叫🫶🏻😋 美味指數: 8/10—————————————————————🍴 蚵仔煎 ($42) 以前好好食架🥺，雖然都係好抵，但而家質素差咗好多🥲，蚵仔嘅份量都好多嘅，係個餅皮比起之前粉同糊咗好多🥲😋 美味指數: 3.5/10 (以前好食好多🥲)🍴 酥炸花枝丸 ($36) 花枝丸係一粒分為二，雖然賣相差咗啲，不過味道係唔錯嘅😋😋 美味指數: 6.5/10—————————————————————🤤 整體食物質素: 6.5/10🥂 環境: 5/10💡 性價比: 7.5/10🔥 推薦指數: 6.5/10…查看更多

突然想食台灣菜 諗起呢間野門口成日排哂隊等位 見時間尚早就等下位啦 滿心歡喜一路睇住個menu 樣樣都好想食好想飲 不過 可能期望太大 食物既質素同我預計有d落差…首先講下個紅燒牛肉麵 係無咩特別 湯底唔濃 d牛肉算多 但略嫌切得太大舊 同埋唔淋 又唔係幾入味 唔多岩我口味然後講下個蚵仔煎 其實又唔算差 普通啦 粉多左d 變左好厚 食多幾啖就好濟蛋餅我揀左鮪魚餡 大獲 乾爭爭 早知揀返普通肉鬆/粟米 可能無甘差…份台灣腸算幾好食 但$36泥講份量太少了 合返埋唔知有無兩條！？最後飲品 同出面比都係偏唔好飲 雖然跟餐唔算貴既總結 唔明點解甘多人等位 我都唔會再排第二次了 除非無人等位 又甘岩想食台灣菜 都會再入去食既…查看更多