影片
更多
2021-05-07
3489 瀏覽
昨晚去咗康怡廣場3樓，被一間有齊京、川、粵菜式供應嘅食肆「金公館」的大型京劇畫報吸引住，而且覺得門口post出嚟嘅菜式都幾合胃口，於是入咗去食晚飯。老壇子酸菜魚半份（$148）第一次食酸菜魚，半份已經好大盆，兩個人食係食唔晒嘅！唔食得辣可以要求小辣。一上枱賣相已經相當吸引，先嚐一口，湯底濃郁，材料除魚片外，還有勁多配菜如鹹酸菜、辣椒乾、萵筍、芝麻、葱等等，味道又酸又辣，極其醒胃。桂花魚肉片分量比預期多，薄切，肉質好軟滑，味道鮮甜可口，魚油甘香美味。二人套餐（$438）呢個套餐非常之抵食，四百幾蚊有七樣嘢食，好豐富呀！香蔥雞蛋豆乾粒呢款涼菜好香蔥油味，豆干豆味濃，質感爽夾滑。清城山杏汁白肺湯自己唔會整，嫌功夫又多又煩，難得呢個套餐有呢個杏汁白肺湯，當然唔可以錯過。湯底既美味又滋潤，還有淡淡的杏仁香味。雖然個盅唔係太大，但係煲湯料都好多，有白菜、豬肺、豬肉、雞腳等，認真足料。烤北京填鴨（半隻）皮脆，肉嫩，最好的是上枱前啲肥油已經被切走，所以唔會食到成口油。摩摩皮夠薄身，而且每片都隔有一張紙，唔拍黐埋一齊， 而且仲可保存摩摩皮嘅熱度。配料有青瓜、大蒜、萵筍，仲有哈密瓜條。醬汁也有三四款之多。
老壇子酸菜魚半份（$148）
第一次食酸菜魚，半份已經好大盆，兩個人食係食唔晒嘅！唔食得辣可以要求小辣。一上枱賣相已經相當吸引，先嚐一口，湯底濃郁，材料除魚片外，還有勁多配菜如鹹酸菜、辣椒乾、萵筍、芝麻、葱等等，味道又酸又辣，極其醒胃。桂花魚肉片分量比預期多，薄切，肉質好軟滑，味道鮮甜可口，魚油甘香美味。
二人套餐（$438）
呢個套餐非常之抵食，四百幾蚊有七樣嘢食，好豐富呀！
香蔥雞蛋豆乾粒
呢款涼菜好香蔥油味，豆干豆味濃，質感爽夾滑。
清城山杏汁白肺湯
自己唔會整，嫌功夫又多又煩，難得呢個套餐有呢個杏汁白肺湯，當然唔可以錯過。湯底既美味又滋潤，還有淡淡的杏仁香味。雖然個盅唔係太大，但係煲湯料都好多，有白菜、豬肺、豬肉、雞腳等，認真足料。
烤北京填鴨（半隻）
皮脆，肉嫩，最好的是上枱前啲肥油已經被切走，所以唔會食到成口油。摩摩皮夠薄身，而且每片都隔有一張紙，唔拍黐埋一齊， 而且仲可保存摩摩皮嘅熱度。配料有青瓜、大蒜、萵筍，仲有哈密瓜條。醬汁也有三四款之多。
咕嚕蝦球
蝦球大大隻，二人份量都有七至八隻。配菜除了三色椒及洋蔥外，還有新鮮菠蘿。蝦肉爽口兼彈牙。
靈芝菇炒萵筍絲
萵筍刨成麵條狀，份量不少。萵筍好爽脆，用嚟炒靈芝菇，好味得嚟又健康。
京式小籠包
一啖一口，每人兩隻剛剛好。豬肉餡料鮮甜又爆汁，如果皮底薄返少少就更好。
杞子桂花糕
大大件，杞子和桂花足料，既清甜又冰涼，口感彈牙，吾會大淋身。
呢個套餐和酸魚，真係大件夾抵食，唔怪之得雖然昨天是星期四，都好多客人幫襯。
張貼
