TAMAGOGO (已結業)

超可愛😍北角一田入邊最吸引就係呢一間TAMAGOGO，有多款特色甜品，例如爆漿雞蛋仔、香蕉燒等等～全部即叫即整，誠意之作朱古力 🍫Milkshake&草莓🍓Milkshake 草莓有粒粒士多啤梨籽，質感細滑，不過我比較鍾意朱古力味，因為可以飲到朱古力碎，朱古力味濃郁，必試！🥚 爆醬雞蛋仔餡料有3個選擇，我揀咗吉士醬同朱古力🍫佢嘅造型係重點！用紙皮盒裝上一個個雞蛋造型嘅雞蛋仔，上面仲畫左笑臉，好可愛呀～😍唔捨得食，每個雞蛋仔都新鮮整起熱辣辣♨️用日本雞蛋製作有蛋香，重點係唔會太甜！吉士醬爆曬出來，而朱古力口味就係有粒粒朱古力❤️🍌香蕉燒 呢個想俾可愛程度滿分佢！香蕉燒真係用香蕉造型嘅容器裝住😆口味揀咗芝士味🧀外層好鬆軟，包住香甜香蕉蓉同芝士餡，非常配合，推介！🟡葡撻葡撻外脆內軟，酥皮鬆脆非常，蛋漿口感嫩滑，好味🤤