大紅袍火鍋料理 (已結業)

今日同女朋友行街，行到咁上下，肚仔差唔多餓喇，就諗住是但搵一間打邊爐，就求其入咗呢間嘢。入到去嗌嘢食，職員唔知係未瞓醒定係魂魄唔齊，嗌咗幾聲都冇反應，舉手舉到隻手都攰都冇人見到，於是我放棄，我等到有職員行近我附近我先再揮手。到嘢食方面啦，材料幾新鮮嘅，但價錢有啲略貴。可能揮手揮到有啲攰，已經影響晒心情食物，求其嗌左幾個火鍋嘢食，就急急腳走。食嘅時候見到其他台嘅客人都係要等好耐，我覺得呢間餐廳雖然好多客人，但係可能要請多啲人手先可以令個速度快啲。