牛大人台灣火鍋吃到飽 (加拿芬廣場)

營業中

休息中

今日朋友約食飯揀咗 🐮 牛大人 🐮，唔經唔覺都好耐冇幫襯牛大人，湯底比以往多咗好多款，朋友唔想食得咁熱氣，所以揀咗阿嬤養生濃湯鍋比較清淡啲。依家日本雞蛋一哥夢王同牛大人合作，凡叫澳洲極上和牛餐嘅客人就可以揀「夢王生雞蛋」或「醬油溏心夢王蛋」，見兩款都有興趣所以就各揀一款，而且依家仲有澳州和牛牛丸送。雖然阿嬤養生濃湯鍋係清湯，但係配料都唔少。呢隻醬油溏心夢王蛋超好食 🤤 醬油味甜甜地之餘又有蛋香味，唔怪之得係雞蛋界咁出名。套餐提供好多款唔同口味嘅魚滑，魚滑爽口彈牙，味道唔錯，而牛肉亦提供好多款唔同嘅部位，套餐送嘅澳洲和牛牛丸朋友都讚好好食，牛味非常濃郁。呢度海鮮種類雖然選擇唔多，但係啲蜆同蝦都非常大隻 🦐 肉質鮮甜。除咗打邊爐食品，另外仲叫咗啲熟食，呢個夢王脆蛋，上枱時先知係炸雜錦蔬菜，油炸技術唔錯，食落酥脆而不油膩。雖然餐廳有好多飲品提供，不過朋友想飲吓啤酒 🍺 少爺啤入口濃厚甘醇帶麥芽味，鍾意啤酒嘅朋友可以叫返杯嘆吓。