牛大人台灣火鍋吃到飽 (加拿芬廣場)

營業中

休息中

約友人食飯，選擇火鍋放題係大路，一個價錢任飲任食120分鐘，仲可以見識友人真實食量。友人唔食得辣，又要照顧其他人嘅口味，就點選胡椒豬肚鷄鍋與台灣鳯梨鷄鍋，前者幾香胡椒味但又唔會好辣，仲有豬肚食;後者就有埋苦瓜，鳯梨味唔太出。幾款套餐中，叫咗美國牛($298)呢個價位，肉款包括美國Prime極級肩里肌，肉色靚仔，脂肪位唔算太多，入口幾嫩滑輕鬆易食。仲有安格斯牛板腱，西班牙豬梅肉相片，花雕酒鷄件海鮮類包括蝦，脆肉魚腩，蜆等多款丸類出現選擇困難症，個人推介香芋貢丸，爽彈中又有芋粒嘅香口。記得留返點位置比雪糕雪條，名牌出口，為回本再出點力。

Openrice 俾定錢買, 到場再俾正價加一, 埋單大約$600尾/2位, 120分鐘任食澳牛、安格斯、牛小排，預訂送A4 和牛x2同香湘蟹x2。A4 和牛同香湘蟹非常好食，任食嘅牛小排都好好食，呢個價錢無得輸。同其他任食邊爐比，呢度熟食同飲品都算好同啱食啱飲，其中個烏梅茶好好飲，酸酸地又開胃。但唔肯定有無罐裝酒，我見QR code落單有另外收費嘅啤酒，不過我本身唔飲酒。最弱就一定係菜，菜唔係好靚，黃黃地咁，而且非常少選擇。但係成本放去牛肉度，菜的確唔太靚都合理。甜品有台式芋圓個啲，movenpick 竟然有咖啡味，正!

牛大人的台灣鳳梨雞鍋絕對是亮點。這道菜特別之處在於鍋內有大塊的雞肉，煮得恰到好處，湯底因加入新鮮鳳梨而變得鮮甜可口。雞肉吸收了湯底的精華，每一口都充滿了美味，口感嫩滑，讓人回味無窮。另外，和牛牛丸也是必點之一！😆這些牛丸多汁且富有濃郁的牛肉香味，口感略帶嚼勁，內部卻非常嫩滑。每一口都能感受到肉汁在口中爆發，絕對是打邊爐的完美搭配😋

第N次到訪，任食火鍋，我揀牛大人🤪天氣一轉凍打邊爐是常識吧！首上上枱係贈送嘅和牛牛丸，咬落去爆汁油香，口感彈牙令人回味無窮，主角牛肉紋理好靚！雪花分佈平均，食落充滿油香。同行友人都係食肉獸，3個人大約嗌左百幾塊！配搭埋無菌蛋 沾蛋汁食真係好滿足另外配料選擇好多，有我最愛 😍台灣空運水蓮，一咬清爽爆汁，食到停唔到口！除此之外，嚟牛大人重點必嗌，就係鴨血！呢度嘅鴨血嫩滑細緻，入口即化，吸滿濃郁湯汁，真係令人一試難忘！😋最後令人最開心嘅係，甜品時刻，仙草凍任嗌！movenpick雪糕任食！！！為依餐完美劃上句號

牛大人都食過好多次了，食物質素仲保持到高水準，今次一於試最貴嘅日本黑毛和牛😙湯底揀咗期間限定嘅三椒酸菜鮮魚鍋同牛大人秘方麻辣鍋，酸菜魚鍋微酸清香幾特別，麻辣鍋加咗中藥熬製，湯頭有淡淡嘅中藥材味，層次豐富日本黑毛和牛A4+肉質細膩，入口即化😍澳洲M9和牛牛丸彈牙多汁，肉香濃郁，每人得兩粒真係太少了🥺贈送嘅海鮮拼盤都好豐富，有鮑魚、蟶子、帶子同生蠔最貴嘅套餐仲可以任食多款唔同煮法嘅鮑魚，包括古法醉鮑魚、炭燒鹽蔥鮑魚同柚子燒汁鮑魚，鮑魚爽口彈牙好新鮮牛大人另一個特色就係台灣地道小食，例如鹽酥雞、甜不辣、小香腸、滷肉飯，自助區仲有好多蔬菜、丸類同粉麵，部分配料仲係台灣直送👍🏻

牛大人5周年盛典，所以火鍋同肉類都upgrade咗，新出嘅日本黑毛和牛吃到飽，主打「日本黑毛和牛A4+晚市120分鐘吃到飽套餐」，任食日本黑毛和牛吃到飽，每一片都係 A4＋級數，相當邪惡，而且牛肉嘅紋理都好靚，肉質充滿油脂香，兩個人食一盤剛剛好啊，另外小編推介佢哋新出嘅伊比利亞黑毛豬梅肉，有豬界和牛之稱，肉質非常鬆軟，肉汁豐富，肉味香濃，打邊爐一流跟餐呢仲會送一個海鮮拼盤添，相當豐富啦，當中裏面有鮑魚，生蠔帶子，蟶子，相當高質性價比超高，另外佢哋近期就推介「鮑魚盛宴」，一個鮑魚分開幾種唔同嘅煮法，各有特色，當中就有古法醉鮑魚，炭燒鹽蔥鮑魚，柚子燒汁鮑魚，相當有驚喜至於湯底方面都有期間限定湯鍋 - 魚白湯三文魚豆腐鍋 ，好高蛋白質，好足料，好適合打邊爐配埋和牛一齊食打邊爐又點有點少得叫啤酒呀，今次就叫咗少爺PILSNER啤酒🍻，一路食和牛，一路飲啤酒，一路同friend傾偈，最後仲可以任食Häagen-Dazs雪糕添，超正！

人均三百就能吃到整家店的各种美食平时不知道吃什么时也会和家人来吃🥰👐🏻不管好友聚会、情侣约会还是团建聚餐的不错选择八点钟来已经是坐得满满都是人，可以在openrice上预约位置喔🙌🏼近点先选锅底（十种锅底任选喔四种套餐选择。任吃🙀‼️💙上菜速度是真快诶🫵🏻想来试试看新出的和牛套餐嘿嘿和牛🥩肥瘦相间的！涮涮就起来了可以去自助台拿几颗鸡蛋是日本无菌蛋！涮着吃尊嘟又滑又香…🤤🤩他们家肉质没得说入口即化的感觉👏🏼脂肪分布均匀品质不错炸鲍鱼也是新品。口感也素很特别QQ弹弹的嘿嘿❤️‍🔥鲍鱼/扇贝/虾类🦞各种海鲜..吃到停不下来！！真的过瘾啊啊啊！小吃 水果饮料 冰淇淋 甜品不限量💛不仅如此有着‼️六种口味哈根达斯‼️//咖啡、雲尼拿、藍莓、芒果、曲奇雲尼拿、草莓//💚蔬菜、荤菜不限量🤔种类还蛮丰富的 还有供应各种丸子（内陷都不一样🩵饮品也是一排的过去….那个柜门内都是不一样的饮品上下都有30+…！！店内供应牛大人专属用品平时吃火锅喜欢喝茶解腻这边都有四种茶味🍵～（这还没吃饱..！可以去自助台试试他们家的卤肉饭！绝绝子的台式卤肉饭很香诶👀两勺酱盖饭🤤不建议吃🤫因为吃了真的停不下来🙂‍↔️‼️评论：尖沙咀店空间

和朋友經常去的火鍋放題😍光鍋底就有十幾種好，菜品甜品選擇好多！所有食材灣灣直送✈️飲品雪糕任飲😍招牌牛大人紅燒牛骨鍋，湯底清澈濃郁，湯里有大大塊牛骨慢熬好幾個小時呈金黃色，營養又美味😋之前試過招牌麻辣鍋鮮香十足很開胃，吃辣星人可以試試！期間限定醍醐蕃茄酸辣鍋和三椒酸菜鮮魚鍋，好特別！這次吃的是極上和牛午市套餐，可以吃到所有牛肉！200+實現和牛自由🆓安格斯牛小排肉質豐厚，肥瘦相間，涮幾秒即可入口即化！安格斯牛板腱Q彈有嚼勁還有梅花🐷肉🐑肉🐓肉任點任食！私房鴨血麻辣火鍋必備！墨魚味的大大粒蟹籽嫩滑爽口，經典小吃士林鹽酥🐓士林香腸吃了還想吃。滿滿六大櫃子的飲品任選，還有自制涼茶和火鍋絕配！吃完再來一份冰淇淋降降火🤩

如喺香港找個地方享受高級火鍋，牛大人無疑係最佳嘅選擇！最近去咗位於尖沙咀嘅牛大人，慶祝佢哋開業五週年，推出咗新嘅日本黑毛和牛A4+套餐，令人期待！一入到餐廳，感受到嘅係濃厚嘅火鍋氛圍，空氣中彌漫住牛肉嘅香氣。座位之間距離適中，讓人既能享受美食，又不會感到擠迫。我哋選擇咗牛骨湯作為湯底，煮沸後蘊含著濃郁嘅牛肉香味，啖啖都令人期待。首先上桌嘅係贈送嘅和牛牛丸，咬下去時，肉質鮮嫩，彈牙嘅口感令人驚喜，伴隨住一絲牛肉嘅鮮甜，超級開胃！主角日本黑毛和牛A4+ Set。肉片薄薄一層，顏色鮮艷，光滑嘅油花讓人一見就想立即品嚐。輕輕一撲進熱湯中，牛肉幾乎瞬間變色，散發出誘人嘅香氣。咬一口肉質滑嫩，油脂於舌尖化開，真係好享受！而且搭配上牛骨湯，味道更加層次分明。另外，伊比利亞黑毛豬梅肉同樣不可錯過，肉質鮮嫩，帶有一絲油脂，越嚼越香，實在令人難以抗拒。炭燒鹽蔥鮑魚和古法醉鮑魚都係一絕，前者經炭燒後，鮑魚嘅鮮味被完全釋放，搭配鹽蔥增添咗香氣；而後者則帶有酒香，口感滑嫩。當然，呢個價位牛大人仲提供澳洲極上和牛Set，當中包括M5牛卷、英國SRF極黑牛、安格斯牛小排，每一種肉質都令人驚喜，無論係肉味還是口感都相

第一次食牛大人，抵食過平時果d酒樓任食火煱~叫左個5週年慶典套餐套餐有日本黑毛和牛A4+餐 仲配埋超正海鮮🤩，有鮑魚，扇貝同蟶子呀！🤤佢嘅A4+和牛賣相已經贏哂啦！入口即溶，牛肉鮮味勁濃郁🥰同埋個套餐都有M9 和牛牛丸，同平時食嘅好唔同，一咬入口勁Juicy! 食過番唔到轉頭呀！同埋仲有伊比利亞黑毛豬梅肉，一d 都唔羶wo! 另外鮑魚款式都令我大開眼界，有古法醉鮑魚、炭燒鹽蔥鮑魚、柚子燒汁鮑魚，每隻都爽口彈口牙，又保持到鮑魚鮮味😋除左以上，其他野食都多到我嚇親，想飲嘅應有盡有，蔬菜🥬選擇都夠多，咁先至食得健康哈哈！

呢個日本黑毛和牛 A4+火鍋任食套餐勁抵食呀！除咗可以任食日本黑毛和牛 A4+之外，仲送埋M9和牛牛丸同海鮮拼盤！重點係，仲有伊比利亞黑毛豬梅肉同鮮甜鮑魚任食！鮑魚仲有「鮑魚三吃」：古法醉鮑魚、炭燒鹽蔥鮑魚、柚子燒汁鮑魚，可以一次過試晒三種唔同嘅鮑魚食法！呢個日本黑毛和牛 A4+火鍋任食套餐嘅食物，真係豐富到不得了！主角日本黑毛和牛 A4+，油花分佈均勻，入口即溶，肉質鮮嫩，入口即化，唔會韌。送嘅M9和牛牛丸，彈牙爽口，和牛嘅鮮味濃郁，口感比一般牛肉丸更勝一籌，咬落去滿口肉汁。海鮮拼盤方面，海鮮都好新鮮，口感鮮甜彈牙，絕對係高質素嘅海鮮。除咗呢個套餐之外，仲有期間限定嘅「魚白湯三文魚豆腐鍋」，啱晒鍾意高蛋白嘅朋友！

自費架_ 牛大人本身個鴨血已經係好好食，今次朋友聚會想食任食邊爐，我就帶佢哋嚟牛大人。牛大人嘅鴨血係多汁飽滿，作為一間台式邊爐，我覺得個鴨血真係好重要！另外今次晏晝去，可能平日晏晝唔多人會去食任食邊爐，佢哋竟然推出咗無限時任食，唔使俾人限住時間走，對於朋友聚會嚟講係非常好！一路食一路有個地方傾吓偈。當然佢哋都有套餐係for細食嘅朋友仔，嗰啲就有限時間嘅。晏晝比起晚上好似少咗一啲選擇，雪糕都唔係去廣告貼出嚟嘅Movenpick，不過$200左右，我覺得已經非常好，飲品種類都好多，絕對係下次再會幫襯，仲可以做會員儲分當錢使。

最近👧🏻同朋友一行四人相約食牛大人，見到佢地推出咗最新既日本黑毛和牛A4套餐，一係唔食，一係就食豪啲😝！果然合符預期高質素！🌟肉類/海鮮套餐內既日本黑毛和牛A4係任食，仲要每碟A4和牛既質素相當平均，唔會有得第一碟係靚肉既現象。和牛當然油脂分布均勻好似雪花咁，未至於入口即化嘅程度，但依然相當嫩滑（平時最怕食幾件就漏到唔想食🥲）。其他套餐內既肉類，例如：澳洲和牛牛肩卷、安格斯牛小排、伊比利亞黑毛豬梅肉等肉類都表現出色。而和牛套餐仲有包一份海鮮拼盤，有齊鮑魚、帶子、蠔、蟶子，全部都係新鮮鮮甜！🌟丸/餃類跟餐送既澳洲M9和牛牛丸每人2粒，爆汁肉香濃，覺得仲好味過平時食開既潮州牛丸🤣。另外套餐可以叫手工水餃，比較特別嘅有瓜仔雞水餃，出面比較少食到雞肉嘅水餃，仲要配瓜類，幾得意！另外仲有各種魚漿，例如章魚珍珠漿。🌟湯底湯底一共有10種選擇，個人認為比較特別嘅係期間限定既魚白湯三文魚豆腐鍋，高蛋白仲gym人士岩曬！不過今次👧🏻同朋友就揀咗台灣鳳梨雞鍋，湯底唔會話因為有菠蘿🍍而好甜，入面仲有啲魚乾仔、蜆肉同半隻雞，超級足料。🌟小食App內可點小食，例如鹽酥雞、梅甘酥脆薯、甜不辣、黑松露油炸鬼等。另外

今日係尖沙咀興街行到肚餓見到牛大人就上去睇睇，點知見到有無限時任食邊爐（平時限時90分鐘），又唔洗排隊，即刻入去食湯底：番茄酸辣湯（期間限定）牛肉：正常發揮，上台嘅時候有寫明係咩部位，幾貼心飲品：4款，冷泡茶茶味濃郁，可以解漏，refresh一下繼續食🌸桂花烏龍🍑白桃烏龍🌺洛神花茶🥃武夷大紅袍餐廳仲有自助醬料區同邊爐食材，選擇唔算好多，但係都係新鮮，擺盤靚食飽中有雪糕，都有3-4款可以揀人均加一都係$250，呢個價錢冇限時真係抵食

食過好多次牛大人，今次M5啲牛肉質素差咗，感覺牛味淡咗，雪花紋亦冇咁靚，肥瘦不均勻，比之前嘅差了很多！另外點了墨魚滑，嗺了兩三次，冇貨又唔通知我哋，一直都冇來！