Dirty Skillet

營業中

休息中

星期六同老公去筲箕灣食早午餐。餐廳裝修得好夢幻，好童趣，大人細路都會鍾意。沙律落左好多黑醋汁，酸得黎好開胃。酥皮周打蜆湯加$25，非常夠熱，酥皮好酥脆，浸係湯變腍都好好食，而湯有好多蜆肉，正。慢煮BBQ牛肉絲·酸菜·牛油梨醬·墨西哥烤餅牛肉絲嫩滑，調味惹味，烤餅包住食好夾。鐵鍋炭燒蜜汁西班牙栗飼豬，煎蛋鵝肝珍珠米飯有啲似西方版既叉燒煎蛋飯，豬肉厚身又夠腍，鵝肝肥美，加埋醬汁好送飯。蘋果批·雲尼拿雪糕加$55，蘋果批新鮮即整，而且好大個，批邊鬆化，蘋果粒夠軟腍，仲有球雪糕同少量生果，好滿足。 Fresh Mango Smoothie 加$29，熱情果味好出，好fresh，夏天飲岩晒。Pineapple Hat加$24，造型好趣緻，酸酸地，係有氣既飲品。