影片
更多
2018-10-04
821 瀏覽
成日都去元朗食野，朋友話要轉轉地頭，於是帶咗我去呢一間位於屯門康景花園嘅「秋香」，呢邊個地點係有點偏僻，所以難免有少少難搵，開定地圖搜尋，行到最入嘅角落就會見到。裝修可見非常花心思，歐陸得泥又帶少少地中海感覺，令人坐得十分舒心。一切食乜飲乜由朋友發板，分別柯打咗招牌菜嘅煲仔飯、各款串燒等等，當然唔少得促膝長談要有嘅酒水同送酒枝豆！坐咗陣最先到嘅係「黑糖枝豆」，之前只食過柚子鹽味枝豆，估唔到黑糖味又別有風味，份量都多，黑糖味比較濃同甜，特別係送酒時真係一流。另外店主推介下，我地柯打咗清酒，仲講笑「飲唔哂唔准酒」。清酒帶濃郁酵米味，入口先苦澀後帶甜，酒精濃度高，入喉有暖意，對我呢種唔太識飲嘅人而言，忌飲得太快。接住陸續到嘅係串燒，有波板糖五花腩、蘆荀，免治雞肉棒，以及牛粒同牛舌串燒，全部都係即叫即燒，夠哂熱辣辣。個人最鐘意免治雞肉棒，原因係口感唔同一般常食開嘅雞肉棒，碎肉之中仲會有一啲細細嘅軟骨，口感層次多咗，再配合埋個蛋黃醬汁，不俗！而其次既牛粒熟透度岩岩好，唔會太熟太老，易嚼之餘肉汁豐富。牛舌更加唔洗講，個人覺得係串燒必食，外面有少少爽脆，內裡肉質軟林林，絕不錯過。其次到嘅係「白鱔煲仔
一切食乜飲乜由朋友發板，分別柯打咗招牌菜嘅煲仔飯、各款串燒等等，當然唔少得促膝長談要有嘅酒水同送酒枝豆！坐咗陣最先到嘅係「黑糖枝豆」，之前只食過柚子鹽味枝豆，估唔到黑糖味又別有風味，份量都多，黑糖味比較濃同甜，特別係送酒時真係一流。另外店主推介下，我地柯打咗清酒，仲講笑「飲唔哂唔准酒」。清酒帶濃郁酵米味，入口先苦澀後帶甜，酒精濃度高，入喉有暖意，對我呢種唔太識飲嘅人而言，忌飲得太快。
接住陸續到嘅係串燒，有波板糖五花腩、蘆荀，免治雞肉棒，以及牛粒同牛舌串燒，全部都係即叫即燒，夠哂熱辣辣。個人最鐘意免治雞肉棒，原因係口感唔同一般常食開嘅雞肉棒，碎肉之中仲會有一啲細細嘅軟骨，口感層次多咗，再配合埋個蛋黃醬汁，不俗！而其次既牛粒熟透度岩岩好，唔會太熟太老，易嚼之餘肉汁豐富。牛舌更加唔洗講，個人覺得係串燒必食，外面有少少爽脆，內裡肉質軟林林，絕不錯過。
其次到嘅係「白鱔煲仔飯」，店家選用珍珠米，粒粒分明，而且煲仔飯火候十足，煲出靚飯焦之餘又一啲都唔黏鍋，岩哂我呢啲鐘意食飯焦嘅人啊。除咗米飯煮得有味夠香又好食，我認為雞蛋、蔥花等等都係完美助攻，令到整體更完滿。當然唔少得要讚嘅係上面嘅白鱔肉，食得出係新鮮貨，皮厚且肉帶脆度，燒得十分香而不腥。整個煲仔飯嘅水準都好高，黎到一定係必食煲仔飯。
總結食物不俗，餐廳予人感覺舒服。另外一提，是日因為清酒關係，都坐咗一段頗長嘅時間，但店員態度都係相當歡迎。忽然到咗某個鐘數，餐廳會搖身一變地，熄哂平時餐廳用黃燈，並開著咗猶如迪士高嘅幻燈，氣氛一百八十度地改變。早少少嘅時份明明感覺比較悠閒輕鬆，到咗九點後就變得狂熱奔放，個人覺得呢個「雙面秋香」經營策略係店家嘅過癮之處，值得一去！
張貼
