農耕記 湖南土菜 (黃大仙中心北館)

營業中

休息中

屋企人嫌黃大仙中心冷氣凍，要食辣辣湖南菜暖身，去咗”農耕記湖南土菜”。湖南菜即”湘菜”，我淨係知佢係中國八大特色菜之一，同埋農耕記係過江龍，其餘一無所知😂。先叫了”酸菜魚”，可以揀多辣/正常/少辣/唔辣，而嚟到係好大盆。魚同菜嘅份量都多，魚好淋，連埋啲酸菜/娃娃菜/金菇食味道好豐富，屋企人仲將佢當湯咁飲😂。不過真正嘅大佬係佢 - 號稱年賣600,000嘅”辣椒鮑魚炒肉”。首先佢本來嘅味道已經好豐富，辣之餘好惹味仲有個火喺下面煲住，連白飯食本來已經天下無敵，最癲係連同36元但1公斤嘅香水檸檬茶，一啖辣一啖冰凍嘅檸檬茶，真係非同凡響。炒肉、白飯、檸茶，三者缺一不可。最後仲叫咗個鹹蛋黃燒賣，不過呢個就係糯米芯，同一般嘅燒賣唔同，係相當飽肚。雖然好多辣食，但要讚嘅係佢有提供紙巾，我結果呻到成枱都係😂。