金山海鮮酒家

營業中

休息中

朋友生日，簡左黎金山海鮮酒家食晚飯，貪佢唔會限時交枱，我地可以慢慢食慢慢傾。講番小菜先，我地都偏向鐘意食香口野，窩貼小棠菜係我至愛，我都未黎得切相機食先，已經俾人食左兩件。瑤柱琵琶豆腐，一般般，無驚喜，要黎送飯都ok牛肉炒通菜，牛肉有d係林身，我朋友話有部分好鞋雲英雞(上): 真係好好味，平時我食雞係會走皮既，因為好怕皮同肉之間個舊肥膏，但呢隻雞走左肥，可以連皮食，而且有d咸香味，唔會一味死咸，必食！椒鹽鮮魷(下): 魷魚係比較厚肉既，炸漿唔算厚，炸得乾身無油膩感覺，都好味！炒聖子，我地叫左個例牌，原來得咁少少，不過係幾新鮮既總括黎講，野食好味既，而且最後仲送左蛋散俾我地食，服務就一般啦，不過都係覺得總店好味d同無咁嘈，可能分店樓底矮既關係？！