板神居酒屋 (銀八)

難得第二日公眾假期夜晚一定要出街同朋友食餐好嘅嚟延長個假期 👍🏻朋友係觀塘返工非常熟路我哋一行四人一於就去由朋友推薦嘅「板神居酒屋」開餐 😋餐廳特登安排咗個窗口位俾我哋望出去有少少觀塘海濱嘅海景好Chill 🥰我哋揀咗Lucky 7激安套餐前菜有沙律同刺身三點刺身非常鮮甜有驚喜！之後係原隻龍蝦煎香嘅龍蝦加上蝦膏做醬蝦肉非常鮮嫩同個醬好夾 👍🏻之後可以揀美國牛肉薄燒定日本豚肉薄燒我揀咗日本豚肉薄燒入面包咗香蔥同一啲脆脆（我估係炸蒜片？🤔）入口Juicy 加埋脆脆令成個口感非常豐富之後有用返頭先原隻龍蝦熬製嘅龍蝦湯仲有炒飯、炒雜菜最後甜品係超煙韌嘅蕨餅食埋就超級滿足喇 😋