吞POT 雞煲火鍋.住家菜

營業中

休息中

三五知己食雞煲係人生一大樂事，今次黎呢間朋友book 枱既吞pot, 730pm 前結賬所有火鍋配料半價! 好抵! 5點半入座天未黑，一坐底見到今日主題， 雞仲係一盤雞仔，好搞笑呀對不起，要吃你們的雞媽媽了座位唔算多，但有1大缸鯉魚陪食，叫左藥膳雞煲半隻，雞肉好嫩滑，有雞味，又厚肉，3位女士食半隻都覺得有點多，但藥材味道很香，忍不住繼續食。火鍋選了沙爹湯底68蚊，味道香濃，本人覺得有點偏咸，但朋友說喜歡，可以不用點豉油喎。火鍋配料首推鵝肝蝦丸，入面好大粒鵝肝，鵝肝味道濃郁，蝦丸彈牙，有豐富既蝦味，正! 朋友話海膽墨魚丸都好好味呀，得2粒分唔到呀，so sad。小食叫左炸大腸，夠哂酥脆，配波蘿同酸酸甜甜既汁可以減低油膩感。牛三郎可以拼雪花肥牛，牛肋片同牛柳粒，3種都唔錯，牛肉味香，肉夠嫩，份量亦足。食雞煲點可以無可樂，呢度就可以叫杯大檸樂 $28 比我盡情飲，真係好大杯爽! 埋單計埋配料半價優惠合共715蚊3位，性價比很高，配料製作用心，環境同服務都不錯，下次可以再幫襯。