台酒鍋 (已結業)

今日專登出去旺角買冬甩，行過見到呢一間應該新開左一段時間，晏晝打邊爐我都幾鍾意，於是同老公去試吓啦，因為佢見台式火鍋吸引到我，呢幾年冇去到台灣，個心好鬼掛住😎佢係落一層地庫，入到去男職員好好禮貌，介紹完之後我哋就試吓呢個Level 3套餐: 台式火鍋吃到飽套餐 $358套餐。主要有美國Prime Grade 牛小排，西班牙伊比利亞黑毛豬，同埋紐西蘭羊肩肉。我去揀左人蔘雞鍋，其實佢仲有麻辣鍋、臭臭鍋、薑母鴨鍋、酸菜白肉鍋，同埋沙茶豬筒骨鍋！火鍋配料店員推介台酒鍋自製台灣手工削麵同手工關廟麵，兩個都鍾意食😜海鮮有海蝦，生魚片，蟹籽蝦滑，花膠片，白蜆，帆立貝，小花枝等等。個人覺得蝦滑好味，另外Prine grade牛肩胛細細塊薄薄地，我幾鍾意。老公就鍾意牛板腱，佢啲牛好新鮮，鮮紅冇血水。出邊自助區有好多蔬菜，另外特別既有三星蔥熔醬貢丸，同埋冬陰功蝦球😜莞茜燒賣，同埋有我最鍾意嘅王子麵，最正就係有正宗台灣嘅甜不辣，同埋炸榴槤球😝試咗佢嘅鬼馬老油條，唔錯。飲品都有好多款，得米嗰隻荔枝烏龍茶都有，同埋有甜筒。