阿閒泰 (K11購物藝術館)

營業中

休息中

今日試咗個午市套餐，整體感覺都幾唔錯，幾抵食。平日午餐 $78起；下午茶$48起；假日午餐 $108起；下午茶$63起。叫咗個泰式醉貓肉碎炒新鮮卷粉，卷粉好滑，肉碎夠晒惹味，酸酸辣辣咁，幾開胃。另一個主食係青咖喱燒雞扒焗飯，雞扒幾滑，青咖喱汁好濃郁，椰奶味好香，焗飯都唔會太濕，幾好。小食方面，香茅豬肉菠蘿米紙卷好清新，米紙卷好薄，餡料新鮮，香茅豬肉同菠蘿嘅酸甜味好夾。而炭燒叉燒串嘅叉燒蜜汁甜甜哋，都唔錯。炸薯條就正常發揮。飲品方面，氣冷泡檸檬茶夠晒清爽，茶味同檸檬味都好平衡。泰式泡沫奶茶就茶味夠濃，奶滑泡沫綿密，仲有陣泰式奶茶嘅香味。