紅堂 (已結業)

雖然呢排天氣唔係好凍，但係打邊爐一向都係港人至愛，就算唔凍都想打邊爐😂去銅鑼灣行完街就試下呢間紅堂。湯底方面，都好多選擇，有辣有唔辣，唔辣嘅湯底都唔會好普通。我地就揀左清油養生麻辣鍋同埋東北酸菜白肉鍋。呢兩個鍋底入面，都有好多材料可以食，唔係淨係得個湯，例如養生麻辣鍋入面就有鴨血，酸菜白肉鍋入面就有好多塊豬肉。非常抵食😍呢度嘅火鍋配料非常多，仲有好多未見過未食過嘅款式。例如麻辣和牛餃子、牛肉麻薯串、芝士小籠包等等，非常創新，緊係要試下啦。麻辣和牛餃味道非常濃郁惹味。牛肉麻薯串好好味呀，入面嘅麻薯軟林林，好特別🥰非常推介！另外仲有非常推介嘅龍躉片，份量非常充足，有好多塊，而且每塊都好大塊面且厚身。淥完之後，肉質非常嫩滑，好鮮甜！最後叫埋個冰粉，食完d濃味嘅野，食番個冰粉，真係非常清爽，好味呀☺️